________________
એમ.સી માં ઘરનું કે બહારનું કોઈપણ કામ નહીં કરીશ, બધા નિયમોને સુચારુરૂપે પાલન કરીશ. તેમજ હરવા-ફરવા કે મળવા પણ નહીં જ જાઉં. મોક્ષા: મમ્મી ! તમે બતાવ્યું ત્રીજા દિવસે તો શું ચોથા દિવસે પણ એક કલાક નહીં પણ એક મિનિટ પહેલા પણ અંદર નથી આવી શકતા. તો ક્યાંક બહાર લગ્નમાં જવાનું હોય કે ઘરમાં જ આવું આવશ્યક કામ આવી જાય તો શું કરવું? જયણાઃ બેટા ! તારી વાત સાચી છે પરંતુ જેટલું અન્ય કાર્ય આવશ્યક છે એટલું જ આવશ્યક છે સુખી બનવું. જો આપણે સંસારના કાર્યોને આત્માથી પણ વધારે મહત્ત્વ આપતા રહીશું તો આપણે ક્યારેય સુખી બની શકીશું નહીં. આખરે સંસારના કાર્ય પણ તો વ્યક્તિ સુખી બનવાની અપેક્ષાથી જ કરે છે. બેટા ! તમે ક્યારેય પણ એ ના ભૂલો કે એમ.સી.ના નિયમોનો ભંગ કરીને સુખી બનવાનો કરવામાં આવેલો પ્રયાસ નિશ્ચિત રૂપથી તમારા માટે દુઃખમાં જ પરિવર્તિત થવાનું છે. બીજાઓના લગ્નની તો શું વાત કરવી, જો પોતાના જ લગ્નમાં પણ એમ.સી.આવી જાય તેમજ લગ્નના દિવસે એમ.સી.નો પહેલો, બીજો અને ત્રીજો દિવસ હોય તો ત્યારે શરમને છોડીને એમ.સી.માં લગ્ન નહીં કરવા માટે દઢ બનવું અતિ આવશ્યક છે. જેમ દીક્ષા એમ.સી.ના ત્રીજા દિવસે તો શું ચોથા દિવસે પણ એક મિનિટ પહેલા પણ નથી થઈ શકતી. તેવી જ રીતે લગ્ન પણ મંગલમય દામ્પત્ય જીવનનો શુભારંભ હોવાથી એક અપેક્ષાએ એટલું જ મહત્ત્વપૂર્ણ કાર્ય માનવામાં આવ્યું છે. એથી આપ સમજી ગયા હશો કે બાકીના કાર્યોમાં તો કોઈપણ સંજોગોમાં ત્રીજા દિવસે સ્નાન કરી જ ન શકાય. સુરેખા ઘરમાં કોઈ એમ.સી. પાલન ન કરે અથવા ત્રીજા દિવસે સ્નાન ન કરે તો અન્ય વ્યક્તિ ધર્મ ક્રિયા કેવી રીતે કરે? જયણા સુરેખા! સૌ પ્રથમ તો ઘરની વ્યવસ્થા જ એવી હોવી જોઈએ કે એમાં કોઈ પણ વ્યક્તિ પોતાની ઈચ્છાનુસાર એમ.સી.ના નિયમોને તોડી જ ન શકે. બની શકે ત્યાં સુધી એમ.સી.પાલન ન કરતા હોય એમને એમ.સી.પાલનના લાભ તેમજ પાલન ન કરવાથી થવાવાળા નુકસાન સમજાવીને એમ.સી.પાલને કરવા માટે તૈયાર કરવા છતાં પણ જો ન માને તો જબરદસ્તીથી પણ એમની પાસે એમ.સી.નું પાલન કરાવવું. છતાં પણ ન માને તો જે ઘરમાં આવી મર્યાદાઓનું પાલન ન થતું હોય એવા મર્યાદા હીન ઘરમાં બધાની સાથે રહેવાનો કોઈ અર્થ જ નથી કાં તો જે એમ.સી.ન પાળે એને અલગ કરી દેવા અથવા એવુ ન બને તો પોતે જ અલગ થઈ જાવું. પરંતુ આવી ગડબડ તો ચાલવા જ ન દેવી. આ ગડબડથી ન તો પારિવારિક રીતે ભલું થવાનું છે અને ન તો આધ્યાત્મિક રીતે.
(નોટ અહીં આ વાત ઉપર વિશેષ ધ્યાન આપવો કે ઉત્સર્ગમાર્ગથી તો આખા પરિવારને હળી-મળીને સંયુક્ત કુટુંબમાં જ રહેવું જોઈએ. કેમકે સંયુક્ત કુટુંબમાં જ પવિત્રતા તેમજ મર્યાદાઓનું
