Jain Satyaprakash 1938 07 SrNo 36

Author(s): Jaindharm Satyaprakash Samiti - Ahmedabad
Publisher: Jaindharm Satyaprakash Samiti Ahmedabad

Page 15

१२]
શ્રી જિનપ્રભસૂરિ પ્રબંધ
[४०]
उवएसपच्छा सव्वे सावया सावियाओ वंदिय निय गिहे पत्ताओ । ताओ आसणाओ जओ उवविट्ठति तओ आसणं सहियं लग्गं पासंति, पासित्ता पुणरवि उबविठ्ठाओ पुनरवि सूरीहि भणियं, सावियारिसिणो वियारभूमि विहारभूमिवेला संजाया, तुब्भे वंदह । तओ भणियं सामि, अम्हे तुम्ह छलणत्थमागया परं तुब्भे अम्हे छलिया, कुणह पसायं, मोयह अम्हाणं । सरिणा भणियं जइ मम बाया दलह तओ मुंश्चामि नन्नहा । वयह का वाया, जइ मम गच्छविणो तुम्ह जोगिणी पीठे वञ्चति तेसिं तुब्भे न उवद्दवे कुणह तओ मुंचामि । तेहिं तहत्ति पडिवन्नं, ताओ उक्कीलियाओ नियनिय ठाणं गयाओ । तओ आयरिया सव्वत्थ गच्छंति, न उवद्दओ जायइ तस्स, तओ नियवाचाबद्धाओ चिट्ठति । अन्नया सहाउवविट्ठो सूरी खुरासाणाओ सविज्जो एगो कलंदरो समागओ, तेण आगंतॄण नियकुलहे उत्तारेऊण गयणे खिवियाओ, कहियं महम्मदसाहिणो-साहि, सो कोवि अस्थि तुम्ह सहाए जो एयं उत्तारेइ । साहिणा सहावलोइया । तओ सूरी महम्मदसाहिं पइ एवं वयासी-पासह राया जं भए एयरस कायव्ये, तओ सूरिहिं आगासे रयहरणं खिविओ मंतॄण तस्स कुल्लहस्त मत्थए पाडियाओ। तओ तेण कलंदरेण पुणरवि एगाए इत्थीए जलघडयमाणीयमाणं सीसे आगासे थंभियं अंतरिक्खे, कहियं साहिस्स । पुणरवि सूरीहि तं घडयं भंजिऊण जलकुंभायारं कय । साहिणा भणियं, जलस्स कणफुसियां कुणह तेण तहेव कय, कलंदरस्स अहंकारो गओ । पुनरवि सहोवविद्वेण साहिणा भणियं अज मे सहोबविट्ठा जणा वा कहसु पभाए केण मग्गेण अहं वच्चामि रेवाडीए । तर सव्धेहिं नियनिय बुद्धोए चिंतिऊण लिहिऊण पदिन्नं चिट्ठीए साहिस्स । साहिणा भणियं-सरि, तुहमवि दलह । मृरिणा विनिबुद्धीए चिट्ठी दत्ता । तओ सव्वाओ नेऊण निय उत्तरिए (प)बद्धाओ । साहिणा चिंतियं जहा, ए ए सव्वे असच्चवाइ होंति तहा करेमि। एवं चिंतिऊण वंदरवुरजाओ भंजिऊण निग्गओ। गंतुण बाहिं कोडा कया, एगट्ठाणोवविट्ठा सूरिपमुहा सव्वे आहूया, कहियं च तेसिं वायह नियनियलिहिय, तेहिं सव्वेहिं नियनियलिहियं वाइयं । सूरिस्स कहियं नियलेहे वायह । तओ वाइयं आयरिएण वंदरवुरजाओ भंजिऊण कीडं काऊण वडपायवस्स अहे विस्सामं काही । एवं निसुणिऊण चमकरिओ साही भो एस आयरिओ परमेसरसारिसो, एयस्स सेवं देवावि कुणंति। तओ साहिणा भणिय जिणप्पहसूरि एस वडो सीयच्छाओ मणोहरो तहा करेह जह मम सह गच्छइ । तओ पंचकोसाणंतरे सूरिणा भणियं साहि एवं तरं विसज्झेह जहा नियठाणं गच्छइ । तहेव कयं साहिणा विसज्झणं कयं तस्स रुक्खस्स ।
अन्नया कन्नाणापुरस्स महावीरो मिच्छेहिं नेऊण साहिपोलिदुवारे पाडिऊणं अहोमुहं तस्सोवरि लोया आयंति जति उवरे । तओ जिणपहसूरी समागच्छइ पासइ तदवत्थं पडिमं । मज्झे गंतूण साहिस्स निवेइयं सूरीहिं