________________
પ્રકાશકીય
‘જૈનસંઘના મોભીઓ' એક મહત્ત્વપૂર્ણ કડી છે જૈનશાસનના મહત્ત્વપૂર્ણ સાતે ક્ષેત્રોના સંચાલન-વહીવટની ! સદ્ગુરુ ગીતાર્થ ભગવંતોના શ્રીમુખે શ્રાવક જીવનની સામાચારી સાંભળનાર શ્રાવકો વિશેષ યોગ્યતા ખીલતાં સાત ક્ષેત્રો આદિના સંચાલન-વહીવટ માટે યોગ્ય બને છે. આ ક્ષેત્રોનું જિનાજ્ઞાનુસાર સંચાલન-વહીવટ યાવત્ તીર્થંક૨૫ણાની ભેટ આપે છે તો એમાં કરાતી ઉપેક્ષા આદિ વશ આત્માને નરકગમન સુધીનાં દુઃખો ભોગવવાનો વારો આવે છે. માટે જ આ સ્થાને આવેલા, આવતા કે આવવા માગતા પુણ્યાત્માઓએ આ દરેક ક્ષેત્રની શાસ્ત્રીય મર્યાદાઓનું વિશદ જ્ઞાન મેળવી લેવું અનિવાર્ય બને છે.
સંસાર હોય કે જૈનશાસન હોય, દરેક સ્થાને તે તે સ્થાનના સંચાલન-વહીવટ માટે જરૂરી જ્ઞાન હોવું-મેળવવું અનિવાર્ય મનાય છે. સંસારની બાબતમાં આવા જ્ઞાનના અભાવે ગાડું અટકી જાય છે. એવું ન થાય માટે સંસારીજનો ચીવટથી જ્ઞાન મેળવે છે. જ્યાંથી પણ જ્ઞાન મળે ત્યાં દોડી જાય છે અને પ્રયત્ન કરી જ્ઞાન પ્રાપ્ત કરી લે છે. જ્યારે ધર્મક્ષેત્રોના સંચાલન-વહીવટમાં આ લક્ષ્ય-પ્રયત્ન પ્રાયઃ દેખાતો નથી. વર્ષોથી સંચાલન-વહીવટ કરતા સંઘના મોવડીઓને પણ ધર્મક્ષેત્રોની વ્યાખ્યા, સ્વરૂપ, મર્યાદાનો પ્રારંભિક-ખ્યાલ પણ હોતો નથી. એમાં વળી કદાગ્રહ, પૂર્વગ્રહ આદિ ગ્રહો ભળવાથી સંઘની સમાધિમાં કારમો ઉત્પાત મચી જાય ત્યાં સુધીની પરિસ્થિતિ પણ સર્જાતી હોય છે.
ધર્મક્ષેત્રોની મર્યાદાથી અજાણ સંચાલકો-વહીવટદારો પોતે તો પાપ બાંધી ડૂબતા હોય છે સાથેસાથે એમના વિશ્વાસે રહેલા સંઘજનોને પણ ડૂબાડવામાં નિમિત્તરૂપ બનતા હોય છે. અનંતકાળે, મહાપુણ્યોદયે મળેલા જિનેન્દ્રશાસનને
Jain Education International
8
For Private & Personal Use Only
www.jainelibrary.org
