________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈન તીર્થો
ભારતવર્ષમાં જૈન ધર્મનો વિજયધ્વજ અતિ પ્રાચીનકાળથી લહેરાઈ રહ્યો છે. જૈનો વ્યવહારકુશળ, ધર્મવત્સલ અને કલાપ્રેમી રહ્યા છે. ભારતના ધર્મપ્રિય શ્રેષ્ઠીઓએ પ્રભુભક્તિ અર્થે ઠેરઠેર જિનાલયોનાં ભવ્ય નિર્માણ કરાવીને તેમાં શ્રી જિનેશ્વર ભગવંતો, દેવ-દેવીઓની દૈદિપ્યમાન, પરમ પ્રભાવક પ્રતિમાજીઓ બિરાજમાન કરાવી છે.
આજે પણ ભારતમાં પ્રાચીન તીર્થો ભવ્ય ભૂતકાળનાં દિવ્ય સંભારણાંની માફક ઊભાં છે. જોકે ભૌગોલિક પરિસ્થિતિ, આક્રમણ અને સ્થળાંતર જેવાં કારણોથી અનેક જિનાલયો અદશ્ય થયાં છે પરંતુ તીર્થનું માહાભ્ય અને તેનો પ્રભાવ પ્રાચીનકાળથી અકબંધ રહ્યો છે. આજે પણ નૂતન જૈન તીર્થોનાં નિર્માણ થઈ રહ્યાં છે, જે ભાવિકો માટે ધર્મપ્રેરણાનું મહામૂલું ધામ બની રહ્યાં છે.
અત્રે ભારતના વિવિધ પ્રાંતોમાં આવેલાં જૈન તીર્થોની સંક્ષિપ્ત માહિતી પ્રસ્તુત છે. પ્રથમ ગુજરાતમાં આવેલાં તીર્થોનું વર્ણન તથા જવા-આવવા, રહેવા માટેની માહિતી પ્રસ્તુત છે.
શ્રી સિદ્ધગિરિતીર્થ – પાલીતાણા
શ્રી સિદ્ધગિરિ સૌરાષ્ટ્રનું દિવ્ય ઘરેણું છે. આ તીર્થ પાલીતાણામાં આવેલું છે. ભાવનગરથી ૪૮ કિ.મી. અને શિહોરથી ૨૯ કિ.મી.ના અંતરે આવેલું છે. રાજકોટ-ભાવનગર જતાં સોનગઢ ગામેથી પાલીતાણા જવાનો રસ્તો જાય છે. સોનગઢથી ૨૩ કિ.મી.નું અંતર છે. પાલીતાણામાં અનેક ધર્મશાળાઓ તથા ભોજનશાળાઓ આવેલી છે. વર્તમાન ચોવીશીમાં ૨૩ તીર્થકર ભગવંતોએ અહીં પદાર્પણ કરેલ છે. આ તીર્થને પ્રાયઃ શાશ્વત તીર્થ માનવામાં આવે છે.
શ્રી સિદ્ધગિરિના અનેક નામો છે. સિદ્ધાચલ, વિમલાચલ, શ્રી
For Private and Personal Use Only
