Agam 18 Upang 07 Jambudveep Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 31

तेसिं णं भंते! रुक्खाणं के रिसए आयार भावपडोआरे पं० ?, गो०! कूडागारसंठिआ पेच्छाच्छत्तझयथूभतोरणगोपुरवेइअचोप्फालगअट्टालगपासायहम्मि अगवक्खवालग्गपोइआवलभीघरसंठिआ अत्थऽण्णेऽपेत्थ बहवे वरभवणविसिद्व संगणसंठिआ दुमगणा सुहसीअलच्छाया पं० समणाउसो ! ॥ २४ ॥ अस्थि णं भंते! तीसे समाए भरहे वासे गेहाइ वा गेहावणाइ वा ?, गो० ! णो इणट्टे समट्ठे, रुक्खगेहालया णं ते मणुआ पं० समणाउसो !, अत्थिं णं भंते! तीसे समाए भरहे वासे गामाइ वा जाव संणिवेसाइ वा ?, गो० ! णों इणट्टे समट्ठे, जहिच्छिअकामगामिणो णं ते मणुआ पं०, अत्थि णं भंते!• असीइ वा मसीह वा किसीइ वा वणिएत्ति वा पणिएत्ति वा वाणिज्जेइ वा?, णो इणट्टे समट्ठे, ववगय असिमसिकिसिवणि अपणिअवाणिजा णं ते मणुआ पं० समणाउसो !, अत्थि णं भंते! हिरण्णेइ वा सुवण्णेइ वा कंसेइ वा दूसेइ वा मणिमोत्तिअसंखसिलप्पवातरत्तरयणसावइज्जेइ वा?, हंता अत्थि, णो चेव णं तेसिं मणुआणं परिभोगत्ताए हव्वमागच्छइ, अत्थि णं भंते! भरहे रायाइवा जुवरायाइ वा ईसरतलवरमाडंबिअको डुबि अइब्भसेट्ठिसेणावइसत्थवाहाइ वा ?, गो० ! णो इण्ठ्ठे समट्ठे, ववगयइड्डिसक्कारा णं ते मणुआ, अत्थि णं भंते! भरहे वासे दासेइ वा पेसेइ वा सिस्सेइ वा भयगेइ वा भाइल्लएइ वा कम्मयरएड वा?, णो णट्टे समट्टे, ववगयअभिओगा णं ते मणुआ पं० समणाउसो !, अत्थि णं भंते! तीसे समाए भरहे वासे मायाइ वा पियाइ वा भाया० भगिणी० भज्जा० पुत्त० धूआ० सुण्हाइ वा ?, हंता अत्थि, णो चेव णं तिव्वे पेम्मबंधणे समुप्पज्जइ, अत्थि णं भंते! भरहे वासे अरीइ वा वेरिएइ वा घायएड वा वहएइ वा पडिणीयए वा पच्चामित्ते वा ?, णो इणट्टे समट्ठे,
॥ श्री जंबूद्वीप प्रज्ञप्ति सूत्रं ॥
पू. सागरजी म. संशोधित
२०