Agam 07 Ang 07 Upashak Dashang Sutra

Author(s): Bechardas Doshi
Publisher: Prakrit Vidya Mandal Ahmedabad

Page 6

पढमे आणन्दे अज्झयणे
॥ उक्लेवो ॥ तेणं कालेणं तेणं समएणं चम्पा नाम नयरी होत्था । वण्णओ । पुण्ण भद्दे चेइए । वण्णओ ॥ १ ॥
तेणं कालेणं तेणं समएणं अज्जसुहम्मे समोसरिए जाव जम्बू पज्जुवासमाणे एवं वयासी-"जइ णं, भन्ते ! समणेणं भगवया महावीरेणं जाव संपत्तेणं छहस्स अङ्गस्स नायाघ. म्मकहाणं अयमढे पण्णत्ते, सत्तमस्स णं, भन्ते ! अङ्गस्स उवासगदसाणं समजेणं जाव संपत्तणं के अढे पण्णत्ते ?"
एवं खलु, जम्बू ! समणेणं जाव संपत्तेणं सत्तमस्स अगस्स उवासगदसाणं दस अज्झयणा पण्णत्ता । तं जहाआणन्दे ।।१।। कामदेवे य ॥२॥ गाहावइ-चुलणीपिया ॥३॥ सुरादेवे ॥ ४ ॥ चुल्लसयए ।। ५ ।। गाहावा-कुण्डकोलिए ॥ ६ ॥ सद्दालपुते ॥ ७ ॥ महासयए।॥ ८ ॥ नन्दिणीपिया ॥ ९ ॥ सालिहीपिया ॥ १० ॥
"जइणं, भन्ते! समणेणं जाव संपत्तेण सत्तमस्स अगस्त उवासगदसाणं दस अज्झयणा पण्णत्ता, पढमस्स णं, भन्ते ! समणेणं जाव संपत्तेणं के अट्ठे पण्णते?" ॥२॥
एवं खलु, जम्बू ! तेणं कालेणं तेणं समएणं वाणियगामे नाम नयरे होत्था । वण्णओ। तस्स वाणियगामस्स नयरस्स बहिया उत्तरपुरस्थिमे दिसाभाए दूइपलासए नाम चेहए। तत्थ णं वाणियगामे नयरे जियसत्तू नाम राया होत्था । चण्णो । तत्थ णं वाणियगामे आणन्दे नाम गाहावई परिबसा. अड्ढे जाव अपरिभूए ॥ ३ ॥ ___ तस्स णं आणन्दस्स गाहावइस्स चत्तारि हिरण्णकोडीओ लिहाणपउत्ताओ, चत्तारि हिरण्णकोडीओ वढिपउत्ताओ,