Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 15

भारिया ते नवा तात ! मा सा अन्नं जनं गमे ।। सयक्खंधो-१, अज्झयणं-३, उद्देसो-२
[१८७] एहि तात ! घरं जामो, मा य कम्मे सहा वयं ।
बीयं पि ताय ! पासामो, जाम् ताव सयं गिहं ।। [१८८] गंतुं तात ! पुणोगच्छे, न तेणासमणो सिया ।
अकामगं परिक्कम को तं वारेउमरिहइ? ।। [१८९] जं किंचि अनगं तात !, तं पि सव्वं समीकतं ।
हिरण्णं ववहाराइ, तं पि दाहामु ते वयं ।। [१९०] इच्चेव णं सुसेहंति, कालुणीयसमुट्ठिया ।
विबद्धो नाइसंगेहि, तओऽगारं पहावइ ।। [१९१] जहा रुक्खं वने जायं, मालुया पडिबंधई ।
एव णं पडिबंधति, नायओ असमाहिणा ॥ [१९२] विबद्धो नाइसंगेहि, हत्थी वा वि नवग्गहे ।
पिट्ठओ परिसप्पंति, सूयगोव्व अदूरए | [१९३] एए संगा मणस्साणं, पायाला व अतारिमा ।
कीवा जत्थ य किस्संति, नाइसंगेहि मुच्छिया ।। [१९४] तं च भिक्खू परिन्नाय, सव्वे संगा महासवा ।
जीवियं नावकंखेज्जा, सोच्चा धम्ममनुत्तरं ॥ [१९५] अहिमे संति आवट्टा, कासवेणं पवेइया ।
बुद्धा जत्थावसप्पंति, सीयंति अब्हा जहिं ।। [१९६] रायाणो रायऽमच्चा य, माहणा अदुव खत्तिया ।
निमंतयंति भोगेहि, भिक्खुयं साहजीविणं ।। [१९७] हत्थऽस्स-रह-जाणेहि, विहारगमणेहि य ।
भुंज भोगे इमे सग्घे महरिसी ! पूजयाम् तं ।। [१९८] वत्थगंधमलंकारं इत्थीओ सयणाणि य ।
भंजाहिमाई भोगाइं आउसो ! पूजयाम् तं ।। [१९९] जो तुमे नियमो चिण्णो, भिक्खुभावंमि सव्वया ! |
अगारमावसंतस्स, सव्वो संविज्जए तहा ।। २००] चिरं दुइज्जमाणस्स, दोसो दाणिं कुओ तव ? |
इच्चेव णं निमंतेति, नीवारेण व सूयरं ॥ [२०१] चोइया भिक्खुचरियाए, अचयंता जवित्तए ।
तत्थ मंदा विसीयंति, उज्जाणंसि व दुब्बला ।। [२०२] अचयंता व लूहेणं उवहाणेण तज्जिया ।
तत्थ मंदा विसीयंति, उज्जाणंसि व जरग्गवा ।। [२०३] एवं निमंतणं लद्धं, मुच्छिया गिद्ध इत्थिस् ।
अज्झोववन्ना कामेहिं, चोइज्जंता गया गिहं ॥ त्ति बेमि ।
[दीपरत्नसागर संशोधितः]
[14]
[२-सूयगडो]