Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 55

[६५८] अहावरे दसमे किरियट्ठाणे मित्तदोसवत्तिए त्ति आहिज्जइ- से जहानामए केइ पुरिसे माईहिं वा पिईहिं वा भाईहिं वा भइनीहिं वा भज्जाहि वा घूयाहिं वा पुत्तेहिं वा सुण्हाहिं वा सद्धिं संवसमाणे तेसिं अन्नयरंसि अहालहुगंसि अवराहंसि सयमेव गरुयं दडं निव्वत्तेतिं, तं जहा
सीओदगवियडंसि वा कायं उच्छोलेत्ता भवइ, उसिणोदगवियडेण वा कायं ओसिंचित्ता भवइ, अगनिकायेणं कायं उवडहित्ता भवइ, जोत्तेण वा वेत्तेण वा नेत्तेण वा तयाइ वा कसेण वा छियाए वा लयाए वा अन्नयरेण वा दवरएण पासाइं उद्दालित्ता भवति, दंडेण वा अट्ठीण वा मुट्ठीण वा लेण वा कवालेण वा कार्य आउट्टित्ता भवति, तहप्पगारे पुरिसजाते संवसमाणे दुम्मणा भवंति, पवसमाणे सुमा भवंति,...
तहप्पगारे पुरिसजाते दंडपासी दंडगरुए दंडपुरक्खडे अहिते इमंसि लोगंसि अहिते परंसि लोगंसि संजलणे कोहणे पिट्ठिमंसि यावि भवइ, एवं खलु तस्स तप्पत्तियं सावज्जं ति आहिज्जति दस किरियट्ठाणे मित्तदोसवत्तिए त्ति आहिए ।
[६५९] अहावरे एक्कारसमे किरियट्ठाणे मायावत्तिए त्ति आहिज्जइ, जे इमे भवंति गूढायारा तमोकसिया उलूगपत्तलहूया पव्वयगुरुया ते आयरिया वि संता अनारियाओ भासाओ पउंजंति, अन्नहा संत अप्पाणं अन्नहा मन्नंति, अन्नं पुट्ठा अन्नं वागरेंतिं, अन्नं आइक्खियव्वं अन्नं आइक्खंति,... सुयक्खंधो-२, अज्झयणं-२, उद्देसो
से जहानामए केइ पुरिसे अंतोसल्ले तं सल्लं नो सयं नीहरति नो अन्ने नहरावेति पडिविद्धंसेति, एवमेव निण्हवेति, अविउट्टमाणे अंतो-अंतो रियति, एवमेव माई मायं कट्टु नो आलोएड् नो पडिक्कमेइ नो निंदइ नो गरहइ नो विउट्टइ नो विसोहेइ नो अकरणाए अब्भुट्ठेइ नो अहारिहं तवोकम्मं पायच्छित्तं पडिवज्जइ,
माई अस्सिं लोए पच्चायाति माई परंसि लोए पच्चायाति निंदइ गरहइं पसंसति निच्चरति न नियट्टति निसिरियं दंड छाएइ, माई असमाहडसुहलेस्से यावि भवइ, एवं खलु तस्स तप्पत्तियं सावज्जं ति आहिज्जइ, एक्कारसमे किरियद्वाणे मायावत्तिए त्ति आहिए ।
[६६०] अहावरे बारसमे किरियट्ठाणे लोभवत्तिए त्ति आहिज्जइ- जे इमे भवंति, तं जहा आरण्णिया आवसाहिया गामंतिया कण्हुईरहस्सिया नो बहुसंजया नो बहुपडिविरया सव्वपाणभूयजीवसत्तेहिं ते अप्पणो सच्चामोसाइं एवं विउंजंति- अहं न हंतव्वो अन्ने हंतव्वा अहं न अज्जावेयव्वो अन्ने अज्जावेयव्वा अहं न परिघेतव्वो अन्ने परिघेतव्वा अहं न परितावेयव्वो अन्ने परितावेयव्वा अहं न उद्दवेयव्वो अन्ने उद्दवेयव्वा,...
एवामेव ते इत्थिकामेहिं मुच्छिया गिद्धा गढिया अज्झोववण्णा जाव वासाइं चउपंचभाई छद्दसमाइं अप्पयरो वा भुज्जयरो वा भुंजितु भोगभोगाई कालमासे कालं किच्चा अन्नयरेसु आसुरि सु किब्बिसिएसु ठाणेसु उववत्तारो भवंति, तओ विप्पमुच्चमाणा भुज्जो एलमूयत्ताए तमूयत्ताए जाइमूयत्ताए पच्चायंति......
एवं खलु तस्स तप्पत्तियं सावज्जं ति आहिज्जइ, दुवालसमे किरियट्ठाणे लोभवत्तिए त्ति आहिए । इच्चेताइं दुवालस किरियट्ठाणाइं दविएणं समणेण वा माहणेण वा सम्मं सुपरिजाणियव्वाइं भवंति ।
[दीपरत्नसागर संशोधितः ]
[54]
[२-सूयगडो]