Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 76

[७४७] जे यावि बीओदगभोइ भिक्खू, भिक्खं विहं जायइ जीवयट्ठी ।
ते नाइसंजोगमविप्पहाय, काओवगा नंतकरा भवंति ॥ [७४८] इमं वयं तु तुम पाउकुव्वं, पावाइणो गरहसि सव्व एव ।
पावाइणो पढो किट्टयंता, सयं सयं दिट्ठि करेंति पाउं ।। [७४९] ते अन्नमन्नस्स उ गरहमाणा, अक्खंति भो समणा माहणा य ।
सतो य अत्थी असतो य नत्थी, गरहामो दिट्ठी न गरहामो किंचि ।। [७५०] न किंचि रूवेणऽभिधारयामो, सदिट्ठिमग्गं तु करेमो पाउं ।
मग्गे इमे किट्टिए आरिएहिं, अनुत्तरे सप्पुरिसेहिं अंजू ।। [७५१] उड्ढे अहे य तिरियं दिसास्, तसा य जे थावर जे य पाणा ।
भूयाभिसंकाए दुगुंछमाणे, नो गरहइ बुसिमं किंचि लोए ।। [७५२] आगंतगारे आरामगारे, समणे उ भीते न उवेइ वासं ।
दुक्खा ह संती बहवे मणुस्सा, ऊनातिरित्ता य लवालवा य ।। [७५३] मेहाविणो सिक्खियं बुद्धिमंता, सत्तेहिं अत्थेहि य निच्छयण्णू ।
पुच्छिंस् मा णे अनगार अन्ने इति संकमाणो न उवेइ तत्थ ।। [७५४] नो कामकिच्चा न य बालकिच्चा, रायाभिओगेण कुओ भएण ? |
वियागरेज्जा पसिणं न वा वि, सकामकिच्चेणिह आरियाणं ।। [७५५] गंता च तत्था अद्वा अगंता, वियागरेज्जा समियाऽऽसुपण्णे ।
अनारिया दंसणओ परित्ता, इति संकमाणो न उवेइ तत्थ ।। [७५६] पण्णं जहा वणिए उदयट्ठी, आयस्स हे पगरेइ संगं ।
तओवमे समणे नायपत्ते, इच्चेव मे होइ मई वियक्का ।। [७५७] नवं न कुज्जा विहणे पुराणं, चिच्चाऽमई ताइ य साह एवं ।
एत्तावता बंभवति त्ति वुत्ते, तस्सोदयट्ठी समणे त्ति बेमि ।। [७५८] समारभंते वणिया भूयगामं, परिग्गहं चेव ममायमाणा ।
ते नाइसंजोगमविप्पहाय, आयस्स हेउँ पगरेंति संगं । [७५९] वित्तेसिणो मेहुणसंपगाढा, ते भोयणट्ठा वणिया वयंति ।
वयं तु कामेसु अज्झोववन्ना अनारिया पेमरसेसु गिद्धा ।। [७६०] आरंभगं चेव परिग्गहं च, अविउस्सिया निस्सिय आयदंडा ।
तेसिं च से उदए जं वयासी, चउरंतनंताय दहाय नेह ।। सुयक्खंधो-२, अज्झयणं-६, उद्देसो
[७६१] नेगंत नच्चंतिव ओदए सो, वयंति ते दो वि गुणोदयंमि ।
से उदए साइमनंतपत्ते, तमुदयं साहयइ ताइ नाई ।। [७६२] अहिंसयं सव्वपयाणुकंपी, धम्मे ठियं कम्मविवेगहेउं ।
तमायदंडेहि समायरंता, अबोहिए ते पडिरूवमेयं ।। [७६३] पिन्नागपिंडीमवि विद्ध सूले, केई पएज्जा परिसे इमे त्ति ।
अलाउयं वा वि कुमारए त्ति, स लिप्पई पाणिवहेण अम्हं ।। [दीपरत्नसागर संशोधितः]
[75]
[२-सूयगडो]