Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 59

तस्स णं एगमवि आणवेमाणस्स जाव चत्तारि पंच जना अवत्ता चेव अब्भुढेंति, भणह देवानप्पिया ! किं करेमो ? किं आहरेमो ? किं उवनेमो ? किं उवट्ठावेमो ? किं मे हियइच्छियं ? किं भे आसगस्स सयइ ? तमेव पासित्ता अनारिया एवं वयंति देवे खल अयं परिसे, देवसिणाए खल अयं परिसे, देवजीवणिज्जे खल अयं परिसे, अन्ने वि य णं उवजीवंति, तमेव पासित्ता आरिया वयंतिअभिक्कंतकूरकम्मे खल अयं परिसे अइधुन्ने अइयायरक्खे दाहिणगामिए नेरइए कण्हपक्खिए आगमिस्साणं दुल्लबोहियाए यावि भविस्सइ,...
इच्चेतस्स ठाणस्स उद्विता वेगे अभिगिज्झंति अनुद्वित्ता वेगे अभिगिज्झंति अभिझंजाउरा अभिगिझंति एस ठाणे अनारिए अकेवले अप्पडिपुण्णे अनेयाउए असंसुद्धे असल्लगत्तणे असिद्धिमग्गे अमुत्तिमग्गे अनिव्वाणमग्गे अनिज्जाणमग्गे असव्वदुक्खपहीणमग्गे एगंतमिच्छे असाहू एस खलु पढमस्स ठाणस्स अधम्मपक्खस्स विभंगे एवमाहिए ।
[६६५] अहावरे दोच्चस्स ठाणस्स धम्मपक्खस्स विभंगे एवमाहिज्जइ, इह खल पाईणं वा पड़ीणं वा उदीणं वा दाहिणं वा संतेगइया मणुस्सा भवंति तं जहाः
आरिया वेगे अनारिया वेगे उच्चागोया वेगे नीयागोया वेगे कायमंता वेगे हस्समंता वेगे सुवण्णा वेगे दुवण्णा वेगे सुरूवा वेगे दुरूवा वेगे, तेसिं च णं खेत्तवत्थूणि परिग्गहियाई भवंति एसो आलावगो जहा पोंडरीए तहा नेतव्वो, तेणेव अभिलावेण जाव सव्वोवसंता सव्वत्ताए परिनिव्वुड़े त्ति बेमि
एस ठाणे आरिए केवले जाव सव्व-दुक्खप्पहीणमग्गे एगंतसम्मे साहू, दोच्चस्स ठाणस्स धम्मपक्खस्स विभंगे एवमाहिए ।
[६६६] अहावरे तच्चस्स ठाणस्स मीसगस्स विभंगे एवमाहिज्जइ, जे इमे भवंति आरणिया
सुयक्खंधो-२, अज्झयणं-२, उद्देसो
आवसहिया गामनियंतिया कण्हुईरहस्सिया जाव ते तओ विप्पमुच्चमाणा भुज्जो एलमूयत्ताए तमूत्ताए पच्चायंति,
एस ठाणे अनारिए अकेवले असव्वदुक्खप्पहीणमग्गे एगंतमिच्छे असाहू, एस खलु तच्चस्स ठाणस्स मिस्सगस्स विभंगे एवमाहिए |
[६६७] अहावरे पढमस्स ठाणस्स अधम्मपक्खस्स विभंगे एवमाहिज्जइ - इह खलु पाईणं वा पडीणं वा उदीणं वा दाहिणं वा संतेगइया मनुस्सा भवंति गिहत्था महिच्छा महारंभा महापरिग्गहा अधम्मिया अधम्माण्या अधम्मिट्ठा अधम्मक्खाई अधम्मपायजीविणो अधम्मपलोइणो अधम्मपलज्जणा अधम्मसीलसमुदाचारा अधम्मेण चेव वित्तिं कप्पेमाणा विहरंति,
हण छिंद भिंद विगत्तगा लोहियपाणी चंडा रुद्दा खुद्दा साहस्सिया उक्कंचन-वंचन-मायानियडि-कूड-कवड-साइ-संपओगबहुला दुस्सीला दुव्वया दुप्पडियानंदा असाहू सव्वाओ पाणाइवायाओ अप्पडिविरया जावज्जीवाए सव्वाओ कोहाओ जाव मिच्छादसणसल्लाओ अप्पडिविरया, जावज्जीवाए, सव्वाओ पहाणम्मद्दण- वण्णग- गंध-विलेवण- सद्द-फरिस-रस-रूव-गंध- मल्लालंकाराओ अप्पडिविरया, जावज्जीवाए सव्वाओ सगड-रह-जाण- जग्ग-गिल्लि-थिल्लि-सिया-संदमाणिया-सयणासण - वाहण -भोग - भोयण-पवित्थरविहीओ अप्पडिविरया जावज्जीवाए सव्वाओ कय-विक्कय-मासद्धमास-रूवग-संववहाराओ
[दीपरत्नसागर संशोधितः]
[58]
[२-सूयगडो]