Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 62

विरसाहारा लूहाहारा तुच्छाहारा अंतजीवी पंतजीवी आयंबिलिया परिमइढिया निव्विगइया अमज्जमंसासिणो नो नियामरसभोई ठाणाइया पडिमाठाणाइया उक्कुडुआसनिया नेसज्जिया वीरासनिया दंडायतिया लंगडसाइणो अवाउडा अगत्तया अकंडया अनिढुहा धुतकेसमंसुरोमनहा सव्वगायपडिकम्मविप्पमुक्का चिट्ठति
ते णं एतेणं विहारेणं विहरमाणा बहूई वासाइं सामण्णपरियागं पाउणंति पाउणित्ता बहु बहु आबाहंसि उप्पन्नंसि वा अनुप्पन्नंसि वा बहूई भत्ताई पच्चक्खंति पच्चक्खित्ता बहूई भत्ताइं अनसनाए छेदेंति छेदित्ता जस्सवाए कीरइ नग्गभावे मंडभावे अन्हाणभावे अदंतवणगे अछत्तए अनावाहणए भूमिसेज्जा फलगसेज्जा कट्ठसेज्जा केसलोए बंभचेरवासे परघरपवेसे लद्धावलद्धे मानावमाननाओ हीलनाओ निंदनाओ खिंसणाओ गरहणाओ तज्जणाओ तालणाओ उच्चावया गामकंडगा बावीसं परीसहोवसग्गा अहियासिज्जति तमटुं आराहेति तमढ़े आराहेत्ता चरमेहिं उस्ससनिस्सासेहिं अनंतं अनुत्तरं निव्वाघायं निरावरणं कसिणं पडिपुण्णं केवलवरनाणदंसणं समुप्पाडेंति समुप्पाडित्ता तओ पच्छा सिझंति बुज्झंति मुच्चंति परिनिव्वायंति सव्वदुक्खाणं अंतं करेंति,
एगच्चाए पुण एगे भयंतारो भवंति, अवरे पुण पुव्वकम्मावसेसेणं कालमासे कालं किच्चा अन्नयरेसु देवलोएसु देवत्ताए उववत्तारो भवंति, तं जहा- महड्ढिएसु महज्जुइएसु महापरक्कमेसु महाजसेसु महब्बलेसु महानुभावेसु महासोक्खेसु, ते णं तत्थ देवा भवंति महड्ढिया महज्जुइया जाव महासोक्खा हार-विराइय-वच्छा कडग-तुडिय-थंभिय-भुया अंगय-कुंडल-मट्ठगंडयल-कण्ण-पीढधारी विचित्तहत्थाभरणा विचित्तमाला-मउलिमउडा कल्लाणग-पवर-वत्थपरिहिया कल्लाणगपवरमल्लानलेवणधरा भासुरबोंदी पलंबवणमालधरा दिव्वेणं रूवेणं दिव्वेणं वण्णेणं दिव्वेणं गंधेणं दिव्वेणं फासेणं दिव्वेणं संधाएणं दिव्वेणं संठाणेण दिव्वाए इड्ढीए दिव्वाए जत्तीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा गइकल्लाणा ठिइकल्लाणा आगमेसिभद्दया यावि भवंति एस ठाणे आरिए जाव सव्वदक्खप्पहीणमग्गे एगंतसम्म साह, दोच्चस्स ठाणस्स धम्मपक्खस्स विभंगे एवमाहिए | सुयक्खंधो-२, अज्झयणं-२, उद्देसो
[६७१] अहावरे तच्चस्स ठाणस्स मीसगस्स विभंगे एवमाहिज्जइ- इह खल पाईणं वा पडीणं वा उदीणं वा दाहिणं वा संतेगइया मनस्सा भवंति तं जहा- अप्पिच्छा अप्पारंभा अप्पपरिग्गहा धम्मिया धम्मानया धम्मेण चेव वित्तिं कप्पेमाणा विहरंति सुसीला सव्वया सुप्पडियानंदा सुसाह एगच्चाओ पाणाइवायाओ पडिविरया जावज्जीवाए एगच्चाओ अप्पडिविरया जाव जे यावण्णे तहप्पगारा सावज्जा अबोहिया कम्मंता परपाणपरितावणकरा कज्जंति तओ वि एगच्चाओ पडिविरया जावज्जीवाए एगच्चाओ अप्पडिविरया,...
से जहानामए समणोवासगा भवंति- अभिगयजीवाजीवा उवलद्ध-पन्न-पावा-आसव-संवरवेयण-निज्जर-किरिय अहिगरण-बंधमोक्ख कुसला असहेज्जा देवासुर-नाग-सुवण्ण-जक्ख-रक्खस-किन्नरकिंपरिस-गरुल-गंधव्व-महोरगाइएहिं देवगणेहिं निग्गंथाओ पावयणाओ अनतिक्कमणिज्जा इणमेव निग्गंथिए पावयणे निस्संकिया निक्कंखिया निव्वतिगिच्छा लद्धट्ठा गहियट्ठा पच्छियट्ठा विनिच्छियट्ठा अभिगयट्ठा अद्विमिंज-पेम्मानुरागरत्ता अयमाउसो ! निग्गंथे-पावयणे अटुं अयं परमटटुं सेसे अणटे, ऊसियफलिहा अवंगुयदुवारा अचियत्तंतेउर परघरदारप्पवेसा चाउद्दसट्ठमुद्दिपुण्णिमासिणीसु पडिपुण्णं पोसहं [दीपरत्नसागर संशोधितः]
[61]
[२-सूयगडो]