Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 71

हणंतस्स समनक्खस्स सवियार - मन- वयण काय वक्कस्स सुविणमवि पासओ एवंगुणजातीयस्स पावे कम्मे कज्जइ ।
पुनरवि चोयए एवं ब्रवीति- तत्थ णं जे ते एवमाहंसु - असंतएणं मणेणं पावएणं असंतिया वईए पावियाए असंतएणं कारणं पावएणं अहणंतस्स अमनक्खस्स अवियार - मनवयण - काय-वक्कस्स सुविणमवि अपस्सओ पावे कम्मे कज्जइ, तत्थ णं जे ते एवमाहंसु मिच्छं ते एवमाहं
तत्थ पन्नवए चोयग एवं वयासी- तं सम्मं जं मए पुव्वं वृत्तं, असंतएणं मणेणं पावएणं असंतिया वईए पावियाए असंतएणं कारणं पावएणं अहणंतस्स अमनक्खस्स अवियार मन वयण कायवक्कस्स सुविणमवि अपस्सओ पावे कम्मे कज्जइ, तं सम्मं, कस्स णं तं हेउं ?
आचार्य आह- तत्थ खलु भगवया छज्जीवणिकाया हेऊ पन्नत्ता, तं जहा पुढविकाइया जाव तसकाइया, इच्चेतेहिं छहिं जीवनिकाएहिं आया अप्पडिहयपच्चक्खाय - पावकम्मे निच्चं पसढ-विओवा - चित्त-दंडे, तं जहा पाणाइवाए जाव परिग्गहे कोहे जाव मिच्छादंसणसल्ले,
आचार्य आह- तत्थ खलु भगवया वहए दिट्ठते पन्नत्ते से जहानामए वहए सिया गाहावइस्स वा गाहावइपुत्तस्स वा रण्णो वा रायपुरिस्स वा खणं निद्दाय पविसिस्सामि खणं लघूण वहिस्सामित्ति पहारेमाणे से किं नु हु नाम से वहए तस्स वा गाहावइस्स गाहावइपुत्तस्स वा रणो वा रायपुरिसस्स वा खणं निद्दाय पविसिस्सामि खणं लघूणं वहिस्सामित्ति पहारेमाणे दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढ - विओवायचितदंडे भवइ ? एवं वियागरेमाणे समियाए वियागरे ? चोयए हंता भवइ ।
आचार्य आह- जहा से वहए तस्स गाहावइस्स वा गाहावइपुत्तस्स वा रण्णो वा रायपुरिसस्स वा खणं निद्दाय पविसिस्सामि खणं लघूणं वहिस्सामित्ति पहारेमाणे दिया वा राओ सुत्ते वा जागरमाणे वा अमित्तभूए मिच्छासंठिए निच्चं पसढ - विओवाय-चित्तदंडे० एवामेव बाले वि सव्वेसिं पाणाणं जाव सव्वेसिं सत्ताणं दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढ-विओवाय-चित्तदंडे, तं जहा-पाणाइवाए जाव मिच्छादंसणसल्ले,
एवं खलु भगवया अक्खाए असंजए अविरए अप्पडिहय पच्चक्खाय पावकम्मे सकिरिए असुंवडे एगंतदंडे एगंतबाले एगंतसुत्ते यावि भवइ, से बाले अवियार मन-वयण-काय- वक्के सुविणमणि न पस्सइ पावे य से कम्मे कज्जइ ।
जहा से वह तस्स वा गाहावइस्स जाव तस्स वा रायपुरिसस्स पत्तेयं-पत्तेयं चित्तं समादाए दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढविओवाय चित्तदंडे
भवइ
सुयक्खंधो-२, अज्झयणं-४, उद्देसो
एवमेव बाले सव्वेसिं पाणाणं जाव सव्वेसिं सत्ताणं पत्तेयं - पत्तेयं चित्तं समादाए दिया वा राओ वा सुत्ते वा जागरमाणो वा अमित्तभूए मिच्छासंठिए निच्चं पसढ - विओवाय-चित्तदंडे भवइ । [७०२] नो इणट्ठे समट्ठे- इह खलु बहवे पाणा० जे इमेणं सरीरसमुस्सएणं नो दिट्ठा वा सुया वा नाभिमया वा विण्णाया वा जेसिं नो पत्तेयं पत्तेयं चित्तं समादाय दिया वा राओ वा सुत्ते वा जागरमाणे वा अमित्तभूए मिच्छासंठिए निच्चं पसढ - विओवाय- चित्तदंडे तं जहा - पाणाइवाए जाव मिच्छादंसणसल्ले ।
[दीपरत्नसागर संशोधितः]
[70]
[२-सूयगडो]