Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 56

[६६१] अहावरे तेरसमे किरियट्ठाणे इरियावहिए त्ति आहिज्जाइ- इह खल अत्तत्ताए संडस्स अनगारस्स इरियासमियस्स भासासमियस्स एसणासमियस्स आयणभंडमत्तनिक्खेणासमियस्स उच्चार-पासवण-खेल-सिंधाण-जल्ल -पारिट्ठावणियासमियस्स मनसमियस्स वइसमियस्स कायसमियस्स मन- गुत्तस्स वइगुत्तस्स कायगुत्तस्स गुत्तिंदियस्स गुतबंभयारिस्स आउत्तं गच्छमाणस्स आउत्तं चिट्ठमाणस्स आउत्तं निसीयमाणस्स आउत्तं तयट्टमाणस्स आउत्तं भंजमाणस्स आउत्तं भासमाणस्स आउत्तं वत्थं पडिग्गहं कंबलं पायपुंछणं गिण्हमाणस्स वा निक्खिवमाणस्स वा जाव चक्खुपम्हनिवायमवि अत्थि विमाया सुहमा किरिया इरियावहिया नाम कज्जइ
सा पढमसमए बद्धपुट्ठा बितियसमए वेड्या ततियसमए, निज्जिण्णा सा बद्धपुट्ठा उदीरिया वेड्या निज्जिण्णा सेयकाले अकम्मे याऽवि भवइ, एवं खल तस्स तप्पत्तियं सावज्जंति आहिज्जइ, तेरसमे किरियट्ठाणे ईरियावहिए त्ति आहिज्जइ ।
से बेमि-जे य अईया जे य पड़प्पन्ना जे य आगमेस्सा अरहंता भगवंता सव्वे ते एयाई चेव तेरस किरियट्ठाणाई भासिंस् वा भासेंति वा भासिस्संति वा, पन्नवेस् वा पन्नवेति वा पन्नवेस्संति वा, एवं चेव तेरसमं किरियट्ठाणं सेविंस वा सेवंति वा सेविस्संति वा ।
[६६२] अदुत्तरं च णं पुरिस-विजय-विभंगमाइक्खिस्सामि- इह खलु नानापण्णाणं नानाछंदाणं नानासीलाणं नानादिट्ठीणं नानारुईणं नानारंभाणं नानाज्झवसाणसंजुत्ताणं नानाविहपावसुयज्झयणं भवइ,
स्यक्खंधो-२, अज्झयणं-२, उद्देसो
तं जहा- भोमं उप्पायं सुविणं अंतलिक्खं अंगं सरं लक्खणं वंजणं इत्थिलक्खणं पुरिसलक्खणं हयलक्खणं गयलक्खणं गोणलक्खणं मेंढलक्खणं कुक्कुडलक्खणं तित्तिरललक्खणं वट्टगलक्खणं लावगलक्खणं चक्कलक्खणं छत्तलक्खणं चम्मलक्खणं दंडलक्खणं असिलक्खणं मणिलक्खणं कागणिलक्खणं सुभगाकरं ब्भगाकरं गब्भकरं मोहणकरं आहव्वणिं पागसासणिं दव्वहोमं खत्तियविज्जं चंदचरियं सूरचरियं सुक्कचरियं बहस्सइचरियं उक्कापायं दिसादाहं मियचक्कं वायसपरिमंडलं पंसुवुद्धिं केसवुद्धिं मंसवुष्टुिं रुहिरवृष्टुिं वेयालिं अद्धवेयालिं ओसोवणिं तालुग्घाडणिं सोवागिं सावरिं दामिलिं कालिंगि गोरिं गंधारिं ओवतणिं उप्पतणिं जंभणिं थंभणिं लेसणिं आमयकरणिं विसल्लकरणिं पक्कमणिं अंतद्धाणिं आयमिणी,...
एवमाइयाओ विज्जाओ अन्नस्स हेउं पउंजंति पानस्स हेउं पउंजंति वत्थस्स हेउं पउजंति लेणस्स हेउं पउंजंति, सयणस्स हेउं पउंजंति अन्नेसिं वा विरूवरूवाणं कामभोगाण हेउं पउंजंति, तेरिच्छं ते विज्जं सेवंति, ते अनारिया विप्पडिवन्ना कालमासे कालं किच्चा अन्नयोस् आरिएस् किब्बिसिएस् ठाणेस् उववत्तारो भवंति, ततो वि विप्पमच्चमाणा भज्जो एलमयत्ताए तमंधयाए पच्चायति ।
[६६३] से एगइओ आयहउँ वा नायहेउं वा सयनहेउं वा, अगारहेउं वा परिवारहेउँ वा नायगं वा सहवासियं वा निस्साए अदुवा अनुगामिए अदुवा उवचरए अदुवा पडिपहिए अदुवा संधिच्छेयए अदुवा गंढिच्छेयए अदुवा ओरब्भिए अदुवा सोयरिए अदुवा वागुरिए अदुवा साउणिए अदुवा मच्छिए अदुवा गोधायए अवा गोवालए अद्वा सोवणिए अद्वा सोवणियंतिए...
[दीपरत्नसागर संशोधितः]
[55]
[२-सूयगडो]