________________
जे खल गारत्था सारंभा सपरिग्गहा संतेगइया समणा माहणा वि सारंभा सपरिग्गहा दुहओ पावाई कव्वंति इति संखाए दोहि वि अंतेहिं अदिस्समाणो इति भिक्खू रीएज्जा, से बेमि-पाईणं वा पडीम वा उदीणं वा दाहिणं वा एवं से परिणातकम्मे, एवं से ववेयकम्मे एवं से वियंतकारए भवइ त्ति मक्खायं ।
[६४७] तत्थ खल भगवया छज्जीवनिकाया हेऊ पण्णत्ता तं जहा- पढवीकाए जाव तसकाए, से जहानामए मम अस्सायं दंडेण वा अट्ठीण वा मुट्ठीण वा लेलुण वा कवालेण वा आउट्टिज्जमाणस्स वा हम्ममाणस्स वा तज्जिज्जमाणस्स वा ताडिज्जमाणस्स वा परिताविज्जमाणस्स वा किलामिज्जमाणस्स वा उद्दविज्जमाणस्स वा जाव लोमक्खणणमायमवि हिंसाकारगं दुक्खं भयं पडिसंवेदेमि, इच्चेवं जाण सव्वे पाणा सव्वे भूया सव्वे जीवा सव्वे सत्ता दंडेण वा जाव कवालेण वा आउट्टिज्जमाणा वा हम्ममाणा वा तज्जिज्जमाणा वा ताडिज्जमाणा वा परिताविज्जमाणावा किलासुयक्खंधो-२, अज्झयणं-१, उद्देसो
मिज्जमाणा वा उद्दविज्जमाणा वा जाव लोमुक्खणणमायमवि हिंसाकारगं दुक्खं भयं पडिसंवेदेति,
___ एवं नच्चा सव्वे पाणा जाव सव्वे सत्ता न हंतव्वा न अज्जावेयव्वा न परिघेतव्वा न परितावेयव्वा न उद्दवेयव्वा, से बेमि जे य अतीता जे य पड़प्पन्ना जे य आगामिस्सा अरिहंता भगवंतो सव्वे ते एवमाइक्खंति एवं भासंति एवं पन्नवेंति एवं परूवेंति सव्वे पाणा जाव सत्ता न हंतव्वा न अज्जावेयव्वा न परिधेतव्वा न परितावेयव्वा न उद्दवेयव्वा, एस धम्मे धुवे नितिए सासए समेच्च लोगं खेयण्णेहिं पवेइए, एवं से भिक्खू विरए पाणाइवायाओ जाव विरए परिग्गहाओ नो दंतपक्खालणेणं दंते पक्खालेज्जा नो अंजणं नो वमणं नो विरेयणं नो घूवणे नो तं परियाविएज्जा
से भिक्खू अकिरिए अलूसए अकोहे अमाने अमाए अलोहे उवसंते परिनिव्व्डे नो आसंसं परतो करेज्जा- इमेण मे दिटेण वा सुएण वा मएण वा विन्नाएण वा इमेण वा सुचरिय-तव-नियमबंभचेरवासेण इमेण वा जायामायावत्तिएणं धम्मेणं इतो चुते पेच्चा देवे सिया कामभोगाण वसवत्ती सिद्धे वा अदुक्खमसुहे एत्थ वि सिया, एत्थ वि नो सिया, से भिक्खू सद्देहिं अमुच्छिए रूवेहिं अमुच्छिए गंधेहिं अमच्छिए रसेहिं अमच्छिए फासेहिं अमच्छिए विरए- कोहाओ माणाओ मायाओ लोभाओ पेज्जाओ दोसाओ कलहाओ अब्भक्खाणाओ पेसण्णाओ परपरिवायाओ अरइरईओ मायामोसाओ मिच्छादसणसल्लाओ- इति से महतो आदानाओ उवसंते उवट्ठिए पडिविरते से भिक्खू
जे इमे तसथावरा पाणा भवंति- ते नो सयं समारंभइ नो अन्नेहिं समारंभावेइ अन्ने समारंभंते वि न समजाणइ- इति से महतो आदानाओ उवसंते उवट्ठिए पडिविरते |
से भिक्खू- जे इमे कामभोगा सचित्ता वा अचित्ता वा- ते नो सयं परिगिण्हइ नो अन्नेणं परिगिण्हावेइ अन्नं परिगिण्हतंपि न समणुजाणइ- इति से महतो आदानाओ उवसंते उवट्ठिए पडिविरते, से भिक्खु- जं पि य इमं संपराइयं कम्मं कज्जइ- नो तं सयं करेइ नो अन्नेणं कारवेइ अन्नं पि करेंतं न समणुजाणइ- इति, से महतो आदानाओ उवसंते उवट्ठिए पडिविरते
से भिक्खू जाणेज्जा- असनं वा पानं वा खाइमं वा साइमं वा अस्सिं पडियाए एगं साहम्मियं समुद्दिस्स पाणाइं भूयाइं जीवाई सत्ताइं समारब्भ समुद्दिस्स कीयं पामिच्चं अच्छेज्जं अनिसटुं अभिहडं आहद्दुद्देसियं तं चेतियं सिया, से भिक्खू अह पुण एवं जाणेज्जा-तं विज्जइ तेसिं परक्कमे जस्सट्टाए चेतियं सिया तं जहा- अप्पणो पुत्ताणं धूयाणं सुण्हाणं धातीणं नातीणं राईणं दासाणं दासीणं
[दीपरत्नसागर संशोधितः]
[50]
[२-सूयगडो]
