Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 33

0 दसमं अज्झयणं-समाही 0 [४७३] आधं मइमं अणुवीइ धम्म, अंजु समाहिं तमिणं सुणेह ।
सुयक्खंधो-१, अज्झयणं-१०, उद्देसो
अपडिन्ने भिक्खू समाहिपत्ते, अनिदान भूतेस् परिव्वएज्जा । [४७४] उड्ढं अहेयं तिरियं दिसासु, तसा य जे थावर जे य पाणा ।
हत्थेहि पादेहि य संजमित्ता, अदिन्नमन्नेस् य नो गहेज्जा ।। [४७५] सुयक्खायधम्मे वितिगिच्छतिण्णे, लाढे चरे आयतुले पयासु ।
आयं न कुज्जा इह जीवियट्ठी, चयं न कुज्जा सुतवस्सि भिक्खू ।। [४७६] सव्विंदियाभिनिव्वुडे पयासु, चरे मुनी सव्वओ विप्पमुक्के ।
पासाहि पाणे य पुढो वि सत्ते, दुक्खेण अट्टे परितप्पमाणे ।। [४७७] एतेसु बाले य पकुव्वमाणे, आवडती कम्मसु पावएसु ।
अतिवाततो कीरति पावकम्म, निउंजमाणे उ करेइ कम्मं ।। [४७८] आदीनवित्तीव व करेति पावं, मंता ह एगंतसमाहिमाह ।
बुद्धे समाहीय रए विवेगे, पाणाइवाया विरते ठितप्पा ।। [४७९] सव्वं जगं तू समयानुपेही, पियमप्पियं कस्सइ नो करेज्जा ।
उहाय दीनो य पुणो विसन्नो संपूयणं चेय सिलोयकामी ।। [४८०] आहाकडं चेव निकाममीणे निकामचारी य विसन्नमेसी ।
इत्थीसु सत्ते य पुढो य बाले, परिग्गहं चेव पकव्वमाणे ।। [४८१] वेरानुगिद्धे निचयं करेति, इतो चुते से दुहमट्ठदुग्गं ।
तम्हा तु मेधावि समिक्ख घम्म, चरे मनी सव्वतो विप्पमुक्के ।। आयं न कुज्जा इह जीवितही, असज्जमाणो य परिव्वएज्जा ।
निसम्मभासी य विनीयगिद्धी हिंसन्नितं वा न कहं करेज्जा ।। [४८३] आहाकडं वा न निकामएज्जा, निकामयंते य न संथवेज्जा ।
धुणे उरालं अनुवेहमाणे, चेच्चाण सोयं अनवेक्खमाणो । [४८४] एगत्तमेयं अभिपत्थएज्जा, एवं पमोक्खे न मुसं ति पासं ।
एसप्पमोक्खे अमुसेडवरे वी, अकोहणे सच्चरए तवस्सी ।। [४८५] इत्थीस् या आरय मेहणे उ, परिग्गहं चेव अव्वमाणे ।
उच्चावएसुं विसएसु ताई, निस्संसयं भिक्खु समाहिपत्ते ।। [४८६] अरतिं रतिं च अभिभूय भिक्खू, तणाइफासं तह सीयफासं ।
उण्हं च दंसं चऽहियासएज्जा, सुब्भिं च दुन्भिं च तितिक्खएज्जा ।। [४८७] गुत्तो वईए य समाहिपत्तो लेसं समाहट्ट परिव्वएज्जा ।
गिहं न छाए न वि छादएज्जा, सम्मिस्सिभावं पजहे पयास् ।। [४८८] जे केड़ लोगंमि उ अकिरियआया अन्नेन पुट्ठा धुतमादिसति ।
आरंभसत्ता गढिया य लोए, धम्मं न जाणंति विमोक्खहे ।।
[दीपरत्नसागर संशोधितः]
[32]
[२-सूयगडो]