Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 45

[६३८] अह भिक्खू लहे तीरट्ठी खेयपणे जाव जाव गति परक्कमण्णू अन्नतरीओ दिसाओ वा अनुदिसाओ वा आगम्म तं पोक्खरणिं तीसे पोक्खरणीए तीरे ठिच्चा पासति तं महं एगं पउमवरपोंडरीयं जाव पडिरूवं, ते तत्थ चत्तारि परिसजाते पासति पहीणे तीरं अपत्ते पउमवरपोंडरीयं नो हव्वाए नो पासए अंतरा पोक्खरणीए सेयंसि निसन्ने, तए णं से भिक्खू एवं वयासी
अहो णं इमे परिसा अखेत्तण्णा जाव नो मग्गस्स गति-परक्कमण्ण, जं णं एते परिसा एवं सुयक्खंधो-२, अज्झयणं-१ , उद्देसो
मन्ने अम्हे एतं पउमवरपोंडरीयं उन्निक्खिस्सामो, नो य खल् एतं पउमवरपोंडरीयं एवं उन्निक्खेवेयव्वं जहा णं एते परिसा मन्ने, अहमंसि भिक्खू लूहे तीरट्ठी खेत्तण्णे जाव मग्गस्स गति परक्कमण्णू, अहमेयं पउमवरपोंडरीयं उन्निक्खिस्सामि त्ति वच्चा से भिक्खू नो अभिक्कमे तं पोक्खरणिं, तीसे पोक्खरणीए तीरे ठिच्चा सदं कज्जा- उप्पयाहि खल भो पउमवरपोंडरीया ! उप्पयाहि, अह से उप्पतिते पउमवरपोंडरीए
[६३९] किट्टिए नाए समणाउसो ! अहे पण से जाणितव्वे भवति भंते! त्ति निग्गंथा य निग्गंथीओ य समणं भगवं महावीरं वंदंति नमसंति, वंदित्ता नमंसित्ता एवं वयासी- किट्टिए नाए समणाउसो ! भगवया अटुं पण से न जाणामो समणाउसोत्ति, समणे भगवं महावीरे ते बहवे य निग्गंथे य निग्गंथीओ य आमंतेत्ता एवं वयासी- हंता समणाउसो! आइक्खामि विभयामि किट्टेमि पवेदेमि सअटुं सहेउं सनिमित्तं भुज्जो भज्जो उवदंसेमि ।।
[६४०] से बेमि-लोयं च खलु मए अप्पाह? समणाउसो ! सा पोक्खरणी बुड्या, कम्मं च खलु मए अप्पाहट्ट समणाउसो ! उदए बुइए, कामभोगे य खलु मए अप्पाहट्ट समणाउसो ! से सेए बुइए जने जानवर च खल मए अप्पाहट्ट समणाउसो ! ते बहवे पउमवरपोंडरीए बुइया, रायाणं च खलु मए अप्पाहटु समणाउसो ! से एगे महं पउमवरपोंडरीए बुइए अन्नउत्थिया य खलु मए अप्पाहटु समणाउसो !
ते चत्तारि पुरिसजाया बुझ्या, धम्मं च खलु मए अप्पाह१ समणाउसो ! से भिक्खू बुइए, धम्मतित्थं च खलु मए अप्पाहद्दु समणाउसो ! से तीरे बुइए, धम्मकहं च खलु मए अप्पाह? समणाउसो ! से सद्दे बुइए, निव्वाणं च खलु मए अप्पाहट्ट समणाउसो !, से उप्पाए बुइए, एवमेयं च खलु मए अप्पाह१ समणाउसो ! से एवमेयं बइयं ।
[६४१] इह खल पाईणं वा पडीणं वा उदीणं वा दाहिणं वा, संतेगइया मनुस्सा भवंति अनपव्वेणं लोगं उववन्ना, तं जहा- आरिया वेगे अनारिया वेगे, उच्चागोया वेगे नीयागोया वेगे, कायमंता वेगे रहस्समंता वेगे, सवण्णा वेगे वण्णा वेगे, सुरूवा वेगे दुरूवा वेगे, तेसिं च णं मणयाणं एगे राया भवति-.....
महाहिमवंत मलय-मंदर-महिंदसारे अच्चंत विसुद्धरायक्लवसंप्पसूते निरंतररायलक्खणविराइयंगमंगे बहुयण-बहुमानपूइए सव्वगुणसमिद्धे खत्तिए मदिए मुद्धाभिसित्ते माउपिउ सुजाए दयप्पिए सीमंकरे सीमंधरे खेमंकरे खेमंधरे मणुस्सिंदे जनवय पिया जनवय पुरोहिए सेउकरे केउकरे नरपवरे पुरिसपवरे पुरिससीहे पुरिसआसीविसे, पुरिसवर पोंडरीए पुरिसवर गंधहत्थी अड्ढे दित्ते वित्ते विच्छिन्न विउलभवन सयनासन जाण वाहणाइण्णे बध बहजात रूवरतए आओगपओग संपउत्ते विच्छडियपउरभत्तपान बहदासदासीगोमहिसवेलगप्पभूते पडिपण्णकोसकोट्ठागाराउहागारे बलवं दुब्बलपच्चामित्ते ओहयकंटयं निहयकंटयं मलियकंटयं उद्धियकंटयं अकंटयं ओहयसत्तू निहयसत्तू मलियसत्तू उद्धियसत्तू
[दीपरत्नसागर संशोधितः]
[44]
[२-सूयगडो]