Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 46

निज्जियसत्तू पराइयसत्तू ववगयभिक्खमारिय भयविप्पमक्कं रायवण्णओ जहा उववाइए जाव पसंतडिंबडमरं रज्जं पसाहेमाणे विहरति ।
तस्स णं रण्णो परिसा भवति- उग्गा उग्गपुत्ता, भोगा भोगपुत्ता इक्खागा इक्खागपुत्ता नाया नायपुत्ता कोरव्वा कोरव्वपुत्ता, भट्टा भट्टपुत्ता, माहण माहणपुत्ता लेच्छई लेच्छइपुत्ता पसत्यारो पसत्थपुत्ता सेनावई सेनावइपुत्ता, तेसिं च णं एगइए सड्ढी भवति कामं तं समणा वा माहणा वा संपहारिसुं स्यक्खंधो-२, अज्झयणं-१, उद्देसो
गमणाए
तत्थ अन्नतरेणं धम्मेणं पन्नत्तारो वयं इमेणं धम्मेणं पन्नवइस्सामो, से एवमायाणह भयंतारो जहा मए एस धम्मे सुयक्खाते स्पन्नत्ते भवइ, तं जहा-उड्ढं पायतला अहे केसग्गमत्थया तिरियं तयपरियंते जीवे एस आया पज्जवे कसिणे एस जीवे जीवति एस मए नो जीवति, सरीरे धरमाणे धरति विनद्वम्मि य नो धरति, एयंतं जीवियं भवति,
आदहणाए परेहिं निज्जइ, अगनिज्झामिए सरीरे कवोतवण्णाणि अट्ठीणि भवंति, आसंदीपंचमा परिसा गामं पच्चागच्छंति, एवं असंते असंविज्जमाणे जेसिं तं असंते । असंविगमाणे तेसिं तं स्यक्खायं भवति- अन्नो भवइ जीवो अन्नं सरीरं, तम्हा ते नो एवं विप्पडिवेदेति अयमाउसो ! आया दीहे ति वा हस्से ति वा परिमंडले ति वा वट्टे ति वा से ति वा चउरंसे ति वा आयते ति वा छ वा अटुं से ति वा किण्हे ति वा नीले ति वा लोहिए ति वा हालिद्दे ति वा सुक्किल्ले ति वा सुब्भिगंधे ति वा दुब्भिगंधे ति वा तित्ते ति वा कडुए ति वा कसाए ति वा अंबिले ति वा महरे ति वा कक्खडे ति वा मठए ति वा गरुए ति वा लहए ति वा सीए ति वा उसिणे ति वा निद्धे ति वा लुक्खे ति वा, एवं असंते असंविज्जमाणे जेसिं तं सयक्खायं भवइ- अन्नो जीवो अन्नं सरीरं, तम्हा ते नो एवं उवलभंति, से जहानामए केइ परिसे कोसीओ असिं अभिनिव्वट्टित्ताणं उवदंसेज्जा अयमाउसो ! असी अयं कोसी, एवमेव नत्थि केइ परिसे अभिनिव्वट्टित्ताणं उवदंसेत्तारो अयमाउसो ! आया इयं सरीरे, से जहानामए केइ परिसे मुंजाओ इसियं अभिनिव्वट्टित्ताणं उवदंसेज्जा अयमाउसो ! मुंडे इमा इसिया, एवमेव नत्थि केइ परिसे अभिनिवट्टित्ता णं उवदंसेत्तारो- अयमाउसो ! आया इयं सरीरं;
से जहानामए केइ परिसे मंसाओ अलुि अभिनिव्वट्टित्ताणं उवदंसेज्जा अयमाउसो ! मंसे अयं अट्ठी, एवमेव नत्थि केइ परिसे उवदंसेत्तारो- अयमाउसो ! आया इयं सरीरं, से जहानामए केइ परिसे करतलाओ आमलकं अभिनिव्वट्टित्ताणं उवदंसेज्जा- अयमाउसो ! करतले अयं आमलए एवमेव नत्थि केइ परिसे उवदंसेत्तारो- अयमाउसो ! आया इयं सरीरं से जहानामए केइ परिसे दहीओ नवनीयं अभिनिव्वट्टित्ताणं उवदंसेज्जा अयमाउसो! नवनीयं अयं तु दही, एवमेव नत्थि केइ परिसे अभिनिव्वट्टित्ताणं उवदंसेत्तारो- अयमाउसो ! आया अयं सरीरे
से जहानामए केइ पुरिसे तिलेहिंतो तेल्लं अभिनिव्वट्टित्ताणं उवदंसेज्जा अयमाउसो! तेल्लं अयं पिण्णाए, एवमेव नत्थि केइ परिसे जाव इयं सरीरं, से जहानामए केइ परिसे इक्खूओ खोयरसं अभिनिव्वट्टित्ता णं उवदंसेज्जा अयमाउसो! खोयरसे अयं छोए एवमेव जाव सरीरे, से जहानामए केइ परिसे अरणीओ अग्गिं अभिनिव्वट्टित्ता णं उवदंसेज्जा अयमाउसो! अरणी अयं अग्गी एवमेव जाव सरीरं, एवं असंते असंविज्जमाणे जेसिं तं सयक्खायं भवइ, तं जहा- अन्नो जीवो अन्नं सरीरं, तम्हा तं मिच्छा,
[दीपरत्नसागर संशोधितः]
[45]
[२-सूयगडो]