Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 35

[५०४] अहावरे तसा पाणा, एवं छक्काय आहिया ।
इत्ताव एव जीवकाए, नावरे विज्जती काए ।।
[५०५] सव्वाहिं अनुजुत्तीहिं मइमं पडिलेहिया । स्यक्खंधो-१, अज्झयणं-११, उद्देसो
सव्वे अकंतदुक्खा य, अतो सव्वे न हिंसया ।। [५०६] एयं ख नाणिणो सारं, जं न हिंसति कंचन ।
अहिंसा समयं चेव, एतावंतं विजाणिया ।। [५०७] उड्ढं अहे तिरियं च, जे केइ तसथावरा ।
सव्वत्थ विरतिं विज्जा संति निव्वाणमाहियं ।। [५०८] पभू दोसे निराकिच्चा, न विरुज्झेज्ज केणई ।
मनसा वयसा चेव, कायसा चेव अंतसो ।। [५०९] संवुड़े से महापण्णे, धीरे दत्तेसणं चरे ।
एसणासमिए निच्चं, वज्जयंते अनेसणं ।। [५१०] भूयाइं च समारंभ, तमद्दिस्सा य जं कडं ।
तारिसं तु न गेण्हेज्जा, अन्नपाणं सुसंजए ।। [५११] पूतिकम्मं न सेवेज्जा, एस धम्मे वुसीमतो ।
जं किंचि अभिकंखेज्जा सव्वसो तं न कप्पते ।। [५१२] हणंतं नानुजाणेज्जा, आयगुत्ते जिइंदिए ।
ठाणाई संति सड्ढीणं, गामेसु नगरेसु वा ।। [५१३] तहा गिरं समारब्भ, अत्थि पुण्णंति नो वए ।
अहवा नत्थि पुण्णं ति, एवमेयं महब्भयं ।। [५१४] दानट्ठया य जे पाणा, हम्मति तसथावरा ।
तेसिं सारक्खणढाए, तम्हा अत्थि त्ति नो वए ।। [५१५] जेसिं तं उवकप्पेति, अन्नं पानं तहाविहं ।
तेसिं लाभंतरायंति, तम्हा नत्थि त्ति नो वए ।। [५१६] जे य दानं पसंसंति, वधमिच्छंति पाणिणं ।
जे य णं पडिसेहंति, वित्तिच्छेदं करेंति ते ।। [५१७] दुहओ वि ते न भासंति अत्थि वा नत्थि वा पणो ।
आयं रयस्स हेच्चा णं, निव्वाणं पाउणंति ते ।। [५१८] निव्वाणं परमं बुद्धा, नक्खत्ताण व चंदमा ।
तम्हा सया जए दंते, निव्वाणं संधए मनी ।। [५१९] बुज्झमाणाण पाणाणं, किच्चंताणं सकम्मुणा ।
आधाति साधु तं दीवं, पतिढेसा पवच्चइ ।। [५२०] आयगुत्ते सया दंते, छिन्नसोए अनासवे ।
जे धम्मं सुद्धमक्खाति, पडिपुण्णमनेलिसं ।। [दीपरत्नसागर संशोधितः]
[34]
[२-सूयगडो]