Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 39

[५६९] जे भासवं भिक्खु सुसावादी, पडिहाणवं होइ विसारए य ।
आगाढपण्णे सुवि-भावियप्पा, अन्नं जनं पन्नसा परिहवेज्जा ।।
[५७०] एवं न से होति समाहिपत्ते, जे पन्नवं भिक्खु विउक्कसेज्जा । स्यक्खंधो-१, अज्झयणं-१३, उद्देसो
अहवा वि जे लाभमदावलित्ते, अन्नं जनं खिंसति बालपण्णे ।। [५७१] पण्णामदं चेव तवोमदं च, निन्नामए गोयमदं च भिक्खू ।
आजीवगं चेव चउत्थमाह, से पंडिए उत्तमपोग्गले से ।। [५७२] एयाइं मदाई विगिंच धीरा, न तानि सेवंति सुधीरधम्मा ।
ते सव्वगोत्तावगता महेसी, उच्च अगोत्तं च गतिं वयंति ।। [५७३] भिक्खू मुतच्चे तह दिधम्मे, गामं च नगरं च अनप्पविस्सा ।
से एसणं जाणमनेसणं च, जो अन्नस्स पानस्स य अनागिद्धे ।। [५७४] अरतिं रतिं च अभिभूय भिक्खू, बहुजने वा तह एगचारी ।
एगंतमोनेन वियागरेज्जा, एगस्स जंतो गतिरागती य ।। [१७५] सयं समेच्चा अद्वाऽवि सोच्चा, भासेज्ज धम्म हिययं पयाणं ।
जे गरहिता सनिदानप्पओगा, न तानि सेवंति सुधीरधम्मा ।। [५७६] केसिंचि तक्काए अबुज्झ भावं, खुदं पि गच्छेज्ज असद्दहाणे ।
आउस्स कालातियारं वघाए, लद्धानुमाने य परेसु अढे ।। [५७७] कम्मं च छंदं च विगिंच धीरे, विणएज्ज तु सव्वतो आतभावं ।
रूवेहिं लुप्पंति भयावहेहिं, विज्जं गहाया तसथावरेहिं ।। [५७८] न पूयणं चेव सिलोयकामी, पियमप्पियं कस्सइ नो करेज्जा ।
सव्वे अणढे परिवज्जयंते, अनाउले या अकसाइ भिक्खू ।। [१७९] आहत्तहीयं सम्पेहमाणे, सव्वेहिं पाणेहिं निहाय दंडं ।।
नो जीवियं नो मरणाहिकंखी चरेज्जमेघावि वलया विमुक्के || त्ति बेमि मुनि दीपरत्नसागरेण संशोधितः सम्पादितश्च "तेरसमं अज्झयणं समत्तं"
0 चउद्दसमं अज्झयणं- गंथो 0
[५८०] गंथं विहाय इह सिक्खमाणो, उट्ठाय सबंभचेरं वसेज्जा ।
ओवायकारी विनयं सुसिक्खे, जे छेए से विप्पमादं न कुज्जा ।। [५८१] जहा दिया-पोतमपत्तजात्तं, सावासगा पवितुं मन्नमाणं ।
तं चाइयं तरुणमपत्तजायं, ढंकादि अव्वत्तगमं हरेज्जा ।। [५८२] एवं तु सेहंपि वि अपुट्ठधम्मे, निस्सारियं बुसिमं मन्नमाणा ।
दियस्स छायं व अपत्तजातं, हरिस् णं पावधम्मा अनेगे ।। [५८३] ओसाणमिच्छे मनए समाहिं, अनोसिते नंतकरिति नच्चा ।
ओभासमाणे दवियस्स वित्तं, न निक्कसे बहिया आसपण्णो ।। [५८४] जे ठाणओ य सयणासणे य परक्कमे यावि सुसाहुजुत्ते ।
[दीपरत्नसागर संशोधितः]
[38]
[२-सूयगडो]