Agam 02 Suyagado Bieiyam Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 26

[३६०] से वीरिएणं पडिपुन्नवीरिए, सुदंसणे वा नगसव्वसेटे ।
सुरालए वा वि मुदागरे से, विरायए नेगगुणोववेए ।। सुयक्खंधो-१, अज्झयणं-६, उद्देसो
[३६१] सयं सहस्साण 3 जोयणाणं, तिकंडगे पंडगवेजयंते ।
से जोयणे नवनउति सहस्से, उध्धुस्सितो हेतु सहस्समेगं ।। [३६२] पुढे नभे चिट्ठइ भूमिवट्ठिए, जं सूरिया अनुपरिवयंति ।
से हेमवण्णे बहुनंदने य, जंसी रइं वेययई महिंदा ।। [३६३] से पव्वए सद्दमहप्पगासे, विरायती कंचनमट्ठवण्णे ।
अनुत्तरे गिरिस् य पव्वग्गे, गिरीवरे से जलिए व भोमे ।। [३६४] महीए मज्झंमि ठिए नगिंदे, पन्नायते सूरियसुद्धलेसे ।
एवं सिरीए उ स भूरिवण्णे, मनोरमे जोयति अच्चिमाली ।। [३६५] सुदंसणस्सेव जसो गिरिस्स, पवच्चती महतो पव्वतस्स ।
एतोवमे समणे नायपत्ते, जाती-जसो-दंसण-नाण-सीले ।। [३६६] गिरीवरे वा निसहाऽऽयताणं, रुयगे व सेढे वलयायताणं ।
ततोवमे से जगभूतिपण्णे, मणीण मज्झे तमदाह पण्णे ।। [३६७] अनुत्तरं धम्ममुदीरइत्ता, अनुत्तरं झाणवरं झियाइ ।
सुसुक्क सुक्कं अपगंडसुक्कं, संखेदुवेगंतवदातसुक्कं ।। [३६८] अनुत्तरग्गं परमं महेसी, असेसकम्मं स विसोहइत्ता ।
सिद्धिं गतिं साइमनंत पत्ते, नाणेण सीलेण य दंसणेण ।। [३६९] रुक्खेस् नाते जह सामली वा, जंसी रतिं वेययति सुवण्णा ।
वनेसु या नंदनमाहु सेढे, नाणेण सीलेण य भूतिपन्ने ।। [३७०] थणितं व सद्दाण अनुत्तरे उ, चंदे व ताराण महानुभावे ।
गंधेसु वा चंदनमाहु सेढें, एवं मुणीणं अपडिण्णमाहु ।। [३७१] जहा सयंभू उद्दहीण सेढे, नागेसु वा धरणिंदमाहु सेटे ।
खोओदए वा रस वेजयंते, तहोवहाणे मुनि वेजयंते ।। [३७२] हत्थीस् एरावणमाह नाते, सीहो मिगाणं सलिलाण गंगा ।
पक्खीसु वा गरुले वेणुदेवो, निव्वाणवादीणिह नायपुत्ते ।। [३७३] जोहेसु नाए जह वीससेने पुप्फेसु वा जह अरविंदमाहु ।
खत्तीण सेढे जह दंतवक्के ईसीण सेढे तह वद्धमाणे ।। [३७४] दाणाण से अभयप्पयाणं, सच्चेस् या अणवज्जं वयंति ।
तवेस् वा उत्तम बंभचेरं, लोगत्तमे समणे नायपत्ते ।। [३७५] ठितीण सेट्ठा लवसत्तमा वा, सभा सुहम्मा व सभाण सेट्ठा ।
निव्वाणसेट्ठा जह सव्वधम्मा, न नायपत्ता परमत्थि नाणी ।। [३७६] पुढोवमे धुणती विगयगेही, न सण्णिहिं कुव्वइ आसुपण्णे ।
तरिउं समुई व महाभवोघं, अभयंकरे वीर अनंतचक्खू ।।
[दीपरत्नसागर संशोधितः]
[25]
[२-सूयगडो]