________________
૬૩
સંયમ કબ હી મિલે? એ કૂતરો જ એ મોરને મારી નાંખે છે. પૂર્વભવની સગી “મા”નો જીવ પોતાના જ દીકરાના જીવની કરપીણ હત્યા કરે એ સાંસારિક રાગના ભયાનક પરિણામનું પ્રમાણપત્ર છે. મમ્મી, મોહ એ સૌથી ખરાબ વસ્તુ છે. શાસ્ત્રોમાં મોહને સર્વોત્કૃષ્ટ પાપ કહ્યું છે. આપણને હિંસાનો છોછ હોય છે. “મોહનો નહીં, મોહ તો આપણને સારો લાગે છે, પણ આપણને ખબર નથી, કે મોહ તો સંસારના બધાં જ પાપોનો બાપ છે ભયંકરથી પણ ભયંકર હિંસાઓના મૂળમાં મોહ હોય છે. જે મા દીકરાને જ જીવન માનીને જીવતી હતી એ જ મા એ જ દીકરાને મોતને ઘાટ ઉતારે એ બધી મોહની માયાજાળ છે. Please Mummy, leave it. એ મા-દીકરાની વાત આગળ વધે છે દીકરો મરીને નોળિયો થાય છે અને મા મરીને સાપ થાય છે. બંને ભયંકર યુદ્ધ કરીને મૃત્યુ પામે છે. દીકરો અને મા બંને માછલા તરીકે જન્મે છે. દીકરાનો જીવ-જે માછલો બન્યો હતો, તે તેના જ પુત્ર રાજાને માછીમાર દ્વારા ભેટ આપવામાં આવે છે, પોતાનો જ પરિવાર પોતાનું જ માંસ ખાય છે,
