Sambodhi 1976 Vol 05

Author(s): Dalsukh Malvania, H C Bhayani
Publisher: L D Indology Ahmedabad

Page 370

१२८
तरंगलोला
तं चक्कबाय-जाइं सुहोदयं मज्जणं च हथिस्स । वाहेण चकवाओ वहिओ जह ह अणुमया य ॥१०३६ जह य पुणो आयाया माणुस-भावम्मि वच्छ नयरीए । जह तत्थ एकमेको नाओ चित्तोवदेसेणं ॥१०३७ जह जाइया न दिण्णा अय जह पेसिया य पिय-वसहि । चेडी सारसिया मे जह य पलायाणि नावाए ॥१०३८ भागीरहीए पुलिणे जहा य गहियाइ तेहिं चोरेहिं । तं सव्यं रोयती घरिणी साहेमि बंदीणं ॥१०३९
एयं सोऊण महं सो चोरो निग्गओ पडालीओ। कुणइ अणुकंपमाणो ऊसासिय-बंधणं रमणं ॥१०४० अह ताओ करमरीओ निव्भच्छिय-तज्जिया तहिं तेण । मेघालंजिय-भीय व्व मय-चहूओ पलाणाओ ॥१०४१ तासु य गयासु तो भणइ पिययमं तकरो सणीयाय (?)। मा माहीय अहं ते मरणाओ अह विमोइस्सं ॥१०४२ सव्व-त्थामेण सव्वहा वि पाणे य परिचइत्ताणं । पाण-परिरक्खणं मे काहं पाणे य दाऊणं ॥१०४३ एयं निसम्म वयणं तस्स मुद्दा निग्गयं तहिं अम्ह । मरणुत्तास-विणासो परिओसो उत्तमो जाओ ॥१०४४ अच्छहु अम्हाण जीवियं ति तो जिणवरे पणमिऊणं । पचक्खाणा कीरस्स(१) पारणा तस्स कासीय ॥१०४५ वो पत्त-पत्तलीए मंसं काऊण तक। अम्हे । जेमणमिणं ति मुंजह भणंतो दूरं खु गतव्वं ॥१०४६ अम्हेहिं नेच्छियं त अम्हाण अणुइयं ति भणिऊण । उत्ताणय- करयल-संपुडेहिं उदयं तहिं पीय ॥१०४७
संपइ नट्ठ-पयावो रज्ज-परिभट्ठ-पस्थिवो चेवं । सूरो लंघिय-गयणो वलेज पुण्णो मुइलु(2) ॥१०४८ संकुइय-पन्नगो ब्य पच्छा सूर्यति दिवस-निप्फेडा । वासंत-णेग-सउणया निय-निलउलत्तय(?)-बहुल्या ॥१०४९ अह एवं अम्हाणं दियहो अइ दीहंतो रुयंताणं । मरण-भय-वेविराणं घरिणि तहा सो अइक्कतो ॥१०५०