Book Title: Sambodhi 1976 Vol 05
Author(s): Dalsukh Malvania, H C Bhayani
Publisher: L D Indology Ahmedabad
________________
तरंगलाला अचयती गंतुं जे पीढम्मि निवेसि पिओ महइ । तो तं परिहरमाणी बला वि पाएहि वच्चामि ।।१०८१ अह मं अणुपालंतो भणइ पिओ सणिययं पि वच्चामो । पेच्छह ताव मयच्छी पयिरल कट्ठ-वणुदेसं ॥१०८२ गोउल-पयार-मलिया पपिरल-तण-गण-गोमया य पुणो । साहति वियाण-भूमी गामब्भासं भय मुंच ॥१०८३ नर्से झत्ति भयं मे तुट्ठी य समुट्ठिया महं घरिणि ।। लोगस्स मायरो त्थं(?) ददठूणं ता[उ] गावोओ ।।१०८४
असण-कय-कण्णपूरे [य] पेच्छिए लट्ठियाहिं खेलंते । दुद्धोतप्पिय-वाले (?) बाले गोयालए तत्थ ।।१०८५ अह तेहिं पुच्छिया मो कत्तो उम्मग्गएण एह त्ति ।। तो भणइ अज्जपुत्तो वयंस पंथो पणट्ठो णे ॥१०८६ किनामओ जणवओ इणमो किनामयं च नगरं ति । किनामओ च्च गामो केत्तिय-मेत्ते इओ होइ ॥१०८७ ते ति गामओ णे आसण्णे एस खायगं नाम । सेसं तु न जाणामो वण-विवर-विवढिया अम्हे ॥१०८८ गंतूण य तो अम्हे कमेण हल-विलिहियं गया भूमि । अह मं पुणो पि पिययमो इमाणि वयणाणि भाणीय ॥१०८९ वण-पण्ण-लावियाओ वरोरु पेच्छाहि गाम-जुवतीओ। पण्णुच्छंग-पदसिय-थिर पिंजर-पीवरोरूओ
॥१०९० एयाणि य अण्णाणि य तत्थ पिओ मे पियाई जंपंतो । सोग-परिस्सम-चक्खेव-कारणत्थं पदंसेइ
॥१०९१ अच्छोदग-पडहत्थं मच्छ-घरं फुडिय-कुमुय-पपूरियं । गामस्स तं तलाय नच्चासण्णं समणुपत्ता ॥१०९२ अच्छं फलिह-सरिच्छे फुडिय-कुमुय-गंधियं भय-विभुका । पाणीहि पाणियं से(?) गाम तलाए तहिं पीय ॥१०९३ (तत्थ) अवगाहिऊण सलिले सीयल जलवाय-वीजियगा । विस्संता भय-मुक्का घरिणी गच्छामु तं गामं ॥१०९४
Page Navigation
1 ... 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416