Sambodhi 1976 Vol 05

Author(s): Dalsukh Malvania, H C Bhayani
Publisher: L D Indology Ahmedabad

Page 386

१४४
तरंगलाला
गगा-तमस-समागम पुंडक चूडामणिं विपणि-पुण्ण । पत्ता पणासय मो ति-भाग-सेसम्मि दिवसम्मि ॥११५५ कुम्मासहत्थि-पेसिय-मणुस्स-संपाडिएण जाणेण । तत्थ पविट्ठा तुट्ठा मित्त-घरं अंति-यासिस्स ।।११५६ मज्जण-जेमण समालहणाहिं पडिवग्गित्था तहिं सुदछु। पज्जत्त-लद्ध-निही तं रति मो सुई युत्था ॥११५७ धोय-मुह-हत्य पाया अभिवाइय-देवया तहिं गोसे । सम-भय-खुहा विमुका पुणो वि सेज्जासु अच्छामो ॥११५८ सुमुहुत्तकस्स तत्तो पिएण कुम्मासहत्थि-सहिएण | एमो त्ति कुछ-घराणं कोसंबि पेसिया लेहा ।।११५९ अभंगण परिमंडण-अच्छायण-षिविह-काय सोक्खेहिं । पाणेहिं भोयणेहिं य पडिकीलता तहिं वसिमो ॥११६० पसिऊण केइ दिवसे ओहरिय परिस्समा तहि परिणि । पडिलेह लंभ-तुद्वा कोसंबि उस्सुया गंतुं ।।११६१ पंथ-परिव्यय-मेसं आणीय तेहिं हिरण्णय तत्तो । अच्छायणं च विविहं अह यंवाय'(!) चरतं च ॥११६२ काहाषणग-सहस्सं दिणं मित्त-घर-चेलवाणं । खज्जग-मोल्लं ति मया महिलाहिं निवारयंतीहि ।।११६३ लाजीय तं पिययमो दाउं पणय पडिसाहणे भीओ। पच्चुधगार-निमित्तं अप्पो दाउ त्ति काऊणं ।।२१६४
आमंतिया य अवयासिया य सव्वा मए महिलियाओ । मित्त घरस्स य पुरिसा पिएण आमंतिया य मए ॥११६५ मित्त-घर-जणस्स तहिं जहारिहं महरिहं सुमरणथं । अच्छायणं च विविहं आमंतंताण मे दिण्णं ॥११६६ सम्योसहि संजुत्तं गहियं ता तत्थ घरिणि पच्छयणं । पंथम्मि अणेग विहे जोगक्खेमे गणेतेहि ॥११६७ जाती-जव-संपण्णं अह आसं पवर-लक्खण समग्गं । आरूढो मे रमणो पवहण पट्टीए सो मज्झ ।।११६८ सत्थाह-गहवती-पेसिएण बहुणा जणेण परिकिपणो । कुम्मासहत्थिएण य समकं परिवार सहिएण ॥११६९ बहु-समर-करण विक्कम-उम्भामिय-नाम-निगय-यात्रा। पुरिसा आउह-हत्था आरक्खा अम्ह, आढसा ॥११७६