Sambodhi 1976 Vol 05

Author(s): Dalsukh Malvania, H C Bhayani
Publisher: L D Indology Ahmedabad

Page 414

तरंगलाला
रणोवगूढत्थ(?) अस्थि तत्थ(?) गरहिअ-[क]म्मस्स ।। वाहाणं संवासो सावय-कुल-काल-पुरिसाणं ॥१३७३ सुक्खत-सरम-वल्लूर-मंस-चम्म-वसमोत्थया जत्थ । संझायंते च सया वाह(')-कुडि-मुह-पएसा ॥१३७४ पल्लूर-सरस-गट्ठय-सरुहिर-सुक्खंत-भरिय-नेव्वाओ । दीसति रत्त-कंवल-कय पावरणाउ वाहीओ ॥१३७५ वाहीहि जत्थ कीरइ, बरहिण-पिच्छ-कय-पावरियंसीहि । सव्वस्थ मुसल-कम्मं कलभाण दंत-मुसलेहिं ॥१३७६ अहयं अणंतर-भवे इओ य आसीय इस्थि-पडिहत्थी । मय-जीवियावहारो मासाहारो तहि वाहो ॥१३७७ उच्चा-दढ-प्पहारी पइ-दिण-अब्भास-धणु-गुण-विहण्णू । कंड-समज्जिय-कित्ती अमोहकंडो ति नामेणं ॥१३७८ तस्स य अचुक लक्खो दढ-प्पहारी स कम्म विक्खाओ । वाहो आसि पिया मे कुंभसीहो(?) सीहओ नामं ॥१३७९ पिउणो मज्झ बहु-मया माया में वाह-बालिया आसि । अडवि-मयमाण-वेसा अडविसिरी नाम नामेणं ॥१३८० जाव य अहं वयस्थो हत्थि पाडेमि , एक कंडेणं । ता में भाणीय पिया सुण कुल-धम्म इमं अम्हं ॥१३८१ वाह-कुल-कोस-घर-रक्खओ सया बीय-पाडण-समत्थो । पुत्तय साणो सूरो जूहबई ते न हंतव्वो ॥१३८२ पिल्लयमणुपालंती पुस-सिणेहेण पंगुलिय-पाई। वाहाण' पि अभीरु मा पिल्लय मायरं हणसि ॥१३८३ पुत्तं अप्परिचत्त(?) सहायं दुद्ध मुद्धयं मुद्ध। उहरो होइ महल्लो ति पिल्लयं मा हुतं हणसि ॥१३८४ पिल्लाण उप्पत्ति रममाणं काम मोहिय मईणं । पुव्व-विहाण-जुवलियं मा य(?) विजुयलेज्जा ॥१३८५ कुल-धम्म-वया(?) एसो ते होउ. पुरिस-कओ। होज्ज कुलस्स अवचओ जो कुल-धम्म विणासेज्जा ॥१३८६ बीयं अविणासंतो य जाय धम्मं च सुटु रक्खेतो। पुत्तय करेज्ज कर्म इय साहेज्जाहि पुत्ताण ॥१३८७ तो है सुठ्ठ य पुट्टो (?) कम्मं वाहत्तण करेमाणो । वियरामि य पारद्धिं सावय-कुल-संकुलं रण ॥१३८८ खग्गं गयय-कुरंग वण-माहिसं गयवरं वराहं च । तेसु पदेसु निसु(?) पहारं अहं देमि ॥१३८९ ता मे समाण-जाती नियल्लिय बालिया गुरु-जणेण । तरुणी पियाभिरामा दिण्णा सुरयारणी भज्जा ॥१३९०