________________ પણ તમારે એમની ભક્તિ કરવાની છે. કેમ કે તમારા માબાપ વગેરે તમારા ઉપકારી છે. સભાઃ “આવું થોડું હોય?” ગુરુજી: “કાલસૌરિક કસાઈનો દીકરો સુલસ ધાર્મિક છે. ખુદ અભયકુમાર જેને ગળે લગાડે છે એ સુલસ પિતાની ભક્તિ કરે છે. પિતાને ધાતુવિપર્યાસ થયો છે. તેથી ઠંડું પાણી આપે તો પિતાને ધગધગતું સીસું લાગે છે. જે પણ ભક્તિ કરે તે ઊલટી પડે છે. તેથી અભયકુમારને વાત કરે છે કે હું શું કરું કે જેથી પિતાજીને શાતા મળે? તમે પહેલા નંબરે મા-બાપ વગેરે ઉપકારીની ભક્તિ કરો નહીં. કદાચ ભક્તિ ઊલટી પડે તો?” સભાઃ “આખા ગામમાં કહેતાં ફરીએ.” ગુરુજી: શું કહો?” સભાઃ “બાપ રે બાપ, કેટલું કરવાનું? કર્યા પછી પણ એમને કાંઈ કદર ન હોયતો કરવાનો મતલબ શું? કેટલું સહન કર્યું !" ગુરુજી: “તમે ગજબ સહન કર્યું. ખરેખર “તમારી સહનશક્તિ સમીપે તો પૃથ્વી પણ ઝાંખી પડે.” સભાઃ “કટાક્ષ નહીં મારો ગુરુજી: “તો શું કહું ? સાચું કહું તો તમને લોકો પાસેથી સિમ્પથી (સહાનુભૂતિ) જોઈએ છે. એમાં કોઈ તમને કહી દે કે ખરેખર તે ખૂબ સહન કર્યું. અમે આવું સહન ન કરી શકીએ તો તમારામાં પાવર આવી જાય.” સભાઃ “હિમોગ્લોબીન 18 થઈ જાય.” ગુરુજી: “રસ્તામાં જે મળે એની આગળ ઉપકારીની નિંદા ચાલુ કરી દો. મા-બાપને ઉંમરના કારણે મગજ પર કાબૂ જ નથી. પહેલાં તો થોડું પણ ખબર પડતી હતી. હવે તો જરાય ખબર પડતી નથી. પ્રાર્થના : 2 પડાવ : 8
