________________ ગુરૂજી: “શ્રાવક ગૃહસ્થ છે. ભૂમિકા બદલાતાં ધર્મ બદલાઈ જશે. પાર્શ્વનાથ પ્રભુ સંન્યાસી એવા કમઠને સમજાવે છે કે “આને ધર્મ ન કહેવાય.” મૂળ વાત, વારાણસી નગરીના હજારો લોકો અને સાપનું હિત થયું.” સભાઃ “કમઠનું હિત ન થયું ને?” ગુરૂજી: “એકાંતે પરમગુરુથી પણ હિત થાય એવું નહીં મળે. ઇન ટોટાલીટી જોવું પડે. એક વખત ઋષભદેવ પ્રભુ સમવસરણમાં દેશના આપી રહ્યા છે. સમવસરણના 20 હજાર પગથિયાં હોય છે. 20 પગથિયાંએ 1 માળ થાય. એટલે 1000 મીની હાઈટ ઉપર ભગવાન બિરાજમાન છે. દેશના આપી રહ્યા છે. એ દેશનામાં ભરત ચક્રવર્તી પણ આવ્યા છે. ભવ્ય જીવોથી વ્યાપ્ત એવી સભા જોઇને હર્ષ પામેલા ભરતચક્રિએ પ્રભુને પૂછ્યું, હે જગતપતિ! જાણે ત્રણ જગત એકત્ર થયા હોય એવી તિર્યંચ, નર, દેવમય સભામાં કોઈ એવો પુરુષ છે કે જે આપની પેઠે તીર્થને પ્રવર્તાવી આ ભરત ક્ષેત્રને પવિત્ર કરશે? ત્યારે ભગવાને મરીચિનું નામ આપ્યું કે મારો પુત્ર મરીચિ આ ભરતક્ષેત્રમાં આ ચોવીસીના છેલ્લા તીર્થકર થશે. ભરત મહારાજા સમવસરણમાંથી મરીચિ પાસે ગયા. મરીચિને વંદન કરતા ભરત મહારાજાએ કહ્યું, તમે ત્રિપૃષ્ઠ નામે પ્રથમ વાસુદેવ થશો. મહાવિદેહમાં પ્રિય મિત્ર નામે ચક્રવત થશો. તે તમારા વાસુદેવપણાને તથા ચક્રીપણાને હું વંદતો નથી. તેમજ તમારા આ પરિવ્રાજકપણાને હું વંદતો નથી. પણ તમે ચોવીસમા તથંકર થશો તેથી હું તમને વંદુ છું એમ કહી મસ્તકે અંજલિ જોડી, ત્રણ પ્રદક્ષિણા કરી. ભરતેશ્વરે મરીચિને વંદના કરી. આ સાંભળીને પ્રાર્થના : 2 116 પડાવ : 11
