________________ છે. આત્મિક શક્તિઓ વધી છે. એટલે જ અષ્ટાપદ તીર્થના એક એક યોજન પહેલું, બીજું, ત્રીજું પગથિયું ચડી શક્યા છે. આ પંદરસો તાપસના જીવનમાં ભૌતિક ઝાકઝમાળનો જરા પણ પ્રભાવ નથી.” સભાઃ “કેવી રીતે?” ગુરુજી: “અષ્ટાપદ પર્વત ઉપર વિદ્યાધરો, દેવી દેવતાઓની અવરજવર હોય. વિદ્યાધરો વિમાનમાં બેસીને ઉપર જતાં હોય. દેવતાઓ આવતા હોય. પણ કોઇથી અંજાયા નથી. કોઇનાથી પ્રભાવિત થયા નથી. આ તરફ ગૌતમસ્વામી ભગવંત પોતે ચરમશરીરી છે. એની ખાત્રી કરવા માટે અષ્ટાપદ તીર્થ પર પધાર્યા છે. 1500 તાપસી ગૌતમ સ્વામીને આવતાં જુએ છે. વિચાર આવે છે કે આવા કદાવર શરીરવાળા કેવી રીતે ચઢશે? સાધના કરી શરીર સૂકવી નાંખ્યું છે, છતાં અમે ચઢી શકતા નથી. તો આ માણસ કેવી રીતે ચઢશે? પરંતુ ગૌતમસ્વામીજી સૂર્યના કિરણો પકડીને ચઢી ગયા. તાપસીને થયું કે આ માણસમાં દમ લાગે છે. તેથી વિચારે છે કે આ વ્યક્તિની રાહ જોવા જેવી છે. ગૌતમસ્વામી યાત્રા કરી રાત્રે ત્યાં રોકાયા.” ગુરુજી: “ગૌતમસ્વામીજી ભગવંત પોતાના મોક્ષની ખાત્રી કરવા માટે ભગવાનની રજા લઇને જાત્રા કરવા આવ્યા હતાં. જાત્રા થઇ ગઇ પછી રાત્રિ કેમ રોકાયા?” સભાઃ “ભગવાને કીધું કે સ્વલબ્ધિથી જાત્રા કરે તે તે જ ભવે મોક્ષે જાય માટે રાત્રિ રોકાયા.” ગુરુજીઃ “આર્ય! ભગવાને કીધું કે સ્વલબ્ધિથી જાત્રા કરે છે તે જ ભવે મોક્ષે જાય. જાત્રા થઇ ગઇ. હવે રોકાવાની જરૂર શું?” સભાઃ “ભગવાનની અદ્ભુત પ્રતિમાની ભક્તિ કરવા માટે રોકાયા હશે.” પ્રાર્થનાઃ 2 84 પડાવ : 10
