________________ || શ્રી શંખેશ્વર પાર્શ્વનાથાય નમઃ | || અનંતલબ્લિનિધાન-ગૌતમસ્વામિને નમઃ | પડાવ: 11 જળ ભરી સંપુટ પત્રમાં,યુગલીક નર પૂંજત ઋષભ ચરણ અંગુઠડે, દાયક ભવજલ અંતઃ ભવનો અંત લાવવા માટે આપણે પ્રાર્થના સૂત્રની વિચારણા કરી રહ્યા છીએ. એમાં આપણે સુહગુરુજોગો સુધી પહોંચ્યા છીએ. આપણા જીવનમાં સદ્ગુરુના મુખ્ય બે રોલ છે. 1. પ્રતિબોધ 2. અનુશાસન પ્રતિબોધ-પ્રતિ=ઊલટું, બોધ=જ્ઞાન આપણને જે જ્ઞાન છે એ જ્ઞાનથી ઊલટું જ્ઞાન આપવું એનું નામ પ્રતિબોધ. સભાઃ “ઉદાહરણથી સમજાવો ને?” ગુરુજીઃ “એક યુવાનને યુવતી ગમી ગઈ છે. એકપક્ષી પ્રેમ છે. એ યુવતી જે કોલેજમાં ભણતી હશે ત્યાં એડમિશન લેવાનો પ્લાન કરશે. એના જ ક્લાસમાં તથા એની જ બાજુમાં બેસવાની ટ્રાય કરશે. એની સાથે વાત કરવાની ટ્રાય કરશે. યુવતી જ્યાંથી પસાર થતી હશે ત્યાં ઊભો રહેશે. સભાઃ “પ્રેમ થાય તો ત્રણ કલાક બસસ્ટૉપ પર ઊભો રહે.” ગુરુજીઃ યુવતીના ઘરની આજુબાજુ આંટા મારવાની કોશિશ કરશે. યુવતીની બહેનપણીઓ સાથે મિત્રતા કરવાની કોશિશ કરશે. પરંતુ એ યુવતી અત્યંત સંસ્કારી છે. એની સગાઈ અન્ય યુવક સાથે થઇ ગઇ છે. એ યુવક રામ જેવો સંસ્કારી છે અને આ યુવતી સીતા જેવી સતી છે. એને પેલા રોમિયો ઉપર કોઇ પ્રેમ-લાગણી નથી. આ રોમિયો યુવતીના નામના જાપ કર્યા જ કરે છે. આવા યુવકને તમે શું સમજાવશો?” - પ્રાર્થના : 2 103 પડાવઃ 11
