________________ અહીં જોવા જેવું એ છે કે ગૌતમ સ્વામીએ એમને કીધું કે માબાપની ભક્તિ કરવા જેવી છે ? આપણું જીવન મિસ્ટર ક્લિન હોવું જોઇએ, અર્થાત સપ્ત વ્યસન ન હોવા જોઈએ, માર્ગાનુસારીના 35 ગુણો હોવા જોઇએ, આવું કશું કીધું? તમે પરોપકાર કરો, સ્વાર્થ તો અનંતકાળથી કરતા આવ્યા છીએ, આવું કહ્યું? સંધ્યાના રંગો જેવું ક્ષણભંગુર આ જીવન છે, આવું કહ્યું? પાણીના પરપોટા જેવું મનુષ્યનું આયુષ્યછે,એવું કહ્યું? ઇનશોર્ટ, સંસાર અસાર છે, એવું કહ્યું? ના.” સભાઃ “ગૌતમસ્વામીજીએ શું કહ્યું?” ગુરુજીઃ “ગૌતમસ્વામીજીને ખબર છે કે આ સાધકોની ખૂટતી કડી કઈ છે. અવલકક્ષાના સાધકો છે. ૧૦૦ટચનું સોનું છે.” સભાઃ “લોખંડની મેખ શું હતી? ગુરુજી: “શાસ્ત્રીય પરિભાષામાં કહું તો એમના જીવનમાંથી મોહરાજનું સંઘયણબળ અવિદ્યાનો નાશ થઈ ગયો છે, પણ મોહરાજા જે સિંહાસન પર બેઠેલો છે એ વિપર્યાસને દૂર કરવાની જરૂર છે.” સભાઃ “એ વિપર્યાસ શું છે?” ગુરુજી: “દેવ-ગુરૂ-ધર્મની બાબતમાં ફંડાક્લીયર નથી.” સભાઃ “આવા ઉત્તમ સાધકને ધર્મની બાબતમાં ફંડા ક્લીયર નથી? ડાયજેસ્ટન થયું!” ગુરુજી: “આર્ય! ઉત્તમ સાધક છે એની ના નથી પણ સ્થૂળ એટલે મોટા મોટા ધર્મની ખબર પડે છે સૂક્ષ્મ બાબતમાં ખબર પડતી નથી. દા.ત. તમે કોઈના ઘરેથી સોનાના દાગીના ચોરી લ્યો એ ખરાબ કહેવાય, એની ખબર પડે છે. પણ સૂક્ષ્મ ચોરીની ખબર પડતી નથી.” સભાઃ “પંદરસો તાપસાના જીવનમાં સૂક્ષ્મ ચોરી શું?” ગુરુજી: “પંદરસો તાપસ છે, અર્થાત સંન્યાસી છે. પારણે સૂકી સેવાળ પ્રાર્થનાઃ 2 96 પડાવ : 10
