________________ ગણધર ભગવંત કમાલની ખૂબી સાથે આપણામાંથી દોષ ત્યાગ અને ગુણપ્રાપ્તિના રસ્તા બતાવે છે. પહેલી 6 પ્રાર્થના સુધી ભલે મિથ્યાત્વ છે. પણ એવા પુણ્યનું ઉપાર્જન કરાવે છે જેથી સદ્ગુરુનો યોગ થાય. પરોપકાર आकालमेते परार्थव्यसनिनः ! તીર્થંકર પરમાત્માના જીવદળમાં અનાદિ દશ ગુણ હોય છે. એમાં એકપરોપકાર છે. કેટલાક જીવો આલ્કોહોલિક(દારૂડિયા) હોય છે. કોઈક જીવો વર્કોહોલિક હોય છે જ્યારે તીર્થંકર પરમાત્માઓ દુર્ગતિમાં હોય તો પણ પરોપકારોહોલિક હોય છે. ધન્નાસાર્થવાહ સમ્યગુદર્શન પામ્યા પહેલાં પણ કેવા પરોપકારી હતા! आसंस्तस्य महेच्छस्याऽनन्य साधारणः श्रियः। परोपकारैकफला, रूचो हिमरूचेरिव॥ ધન્ના સાર્થવાહ પાસે કોઇની ધારણામાં ન આવી શકે તેટલી તથા ચંદ્રની કાન્તિની માફક પરોપકાર કરાવવાના ફળવાળી ઘણી લક્ષ્મી હતી. એક વખત ધન્ના સાર્થવાહને વસંતપુર જવાની ઇચ્છા થઈ ત્યારે તેણે સર્વ નગરમાં પોતાના માણસ પાસે પડહ વગડાવી એવી ઘોષણા કરાવી કે, " ધસાર્થવાહ વસંતપુર જવાના છે. માટે જેઓ તેમની સાથે આવવા ઇચ્છતા હોય તે ચાલો. જેની પાસે પાત્ર નહીં હોય તેને પાત્ર આપશે. જેને વાહન નહીં હોય તેને વાહન આપશે. જેને સહાય નહીં હોય તેને સહાય આપશે. જેને પાથેય નહીં હોય તેને પાથેય(ભાતું) આપશે. માર્ગમાં ચોર લોકોથી અને શિકારી પ્રાણીઓના ઉપદ્રવથી તે સર્વેની રક્ષા કરશે. જે કોઈ અશક્ત હશે તેઓનું પોતાના બંધુની જેમ પાલન કરશે.' સભાઃ “કદાચ અમારા સગા ભાઇની શ્રાવિકા પિયર, હોસ્પિટલમાં કે પ્રાર્થના : 2 ૭પ પડાવ : 9
