________________ ઉટકવા વગેરે સેવા આપે છે. સવાર-સાંજ ત્રણ લાખ થાળી, વાટકા અને ચમચીઓ સેવકો ધૂએ છે. તમારાં વડાપ્રધાન નરેન્દ્ર મોદીજીએ પણ પીરસણીયા બનીને સેવાનો લાભ લીધો હતો. દરરોજ એક લાખથી વધુ અને તહેવારોમાં આનાથી બમણાં લોકો જમે છે.” સભાઃ “ઑફિસમાં આ રીતે તો સાધર્મિક ભક્તિ રાખીએ તો વેપારીઓ ફાયદો જ ઊઠાવે.” ગુરુજી: “ભક્તિ કરવાથી લૂટાઇ જઇશું. આ જ તમારી અંદર રહેલું મિથ્યાત્વ બોલી રહ્યું છે. ખરેખર તમને ફાયદો થાય છે. તમે તમારી દુકાને આવનાર સાધર્મિકને બદામ કતરીથી ભક્તિ કરી તો તમને પુણ્ય બંધાય. ખરેખર સાધર્મિક વાપરીને તમારા ઉપર ઉપકાર કરે છે. ભરત ક્ષેત્રમાં પંચમકાળ છે, કલહ-કંકાશ હોઈ શકે, કોઈ વિશિષ્ટ જ્ઞાની ગુરૂભગવંત પણ નથી, છતાં જે સંઘ છે તે રત્નની ખાણ છે. વર્તમાનમાં જે લોકો એમ કહે કે સંઘ નાશ પામ્યા છે તો શાસ્ત્રકારો કહેશે કે એને સંઘની બહાર કરવા. પૂર્વકાળમાં લોકોમાં સ્વાર્થ ઓછો હતો. બીજા માટે ઘસાતાં હતાં. માટે એમને ખાલી ટચ આપવાનો રહેતો હતો. અર્થાત ભવનિર્વેદમગ્ગાણુસારિઆ આવી જાય, કામ થઈ જાય. આજે તો બધું પાયાથી શીખવવું પડે એમ છે. પ્રથમના 6 ગુણ જેનામાં હોય તે જીવ સુગુરુને પામવાની યોગ્યતાવાળા છે. જેમ સગાઈ થઇ. લગ્નનીડૅટ નક્કી થઇ, કંકોત્રી છપાઈ ગઈ. વહેંચાઈ ગઇ. જાન લઈને ગયા. આ બધી જેમ લગ્નની પૂર્વ તૈયારી છે. એવી જ રીતે પહેલાં 6 ગુણ પામેલાને સગુરુના યોગને યોગ કહીશું. બાકી જીવોને સદ્ગુરુનો યોગ નથી થતો, સંપર્ક થાય છે. જેને સદ્ગુરુનો યોગ થયો છે તેના આત્માનો વિકાસ થશે. આત્માનો વિકાસ ન થાય તો સમજવાનું કે, સદ્ગરનો યોગ નથી મળ્યો. સંપર્ક થયો છે. પ્રાર્થના 2 86 પડાવ : 9.
