Neminath Stotra Sangraha

Author(s): Tirthbhadravijay
Publisher: Shraman Seva Religious Trust

Page 307

२७०• श्रीनेमिनाथस्तोत्रसङ्ग्रहः
छयजुय'त्ति तानि विंशतिसहस्राणि षट्शतयुतानि (२०६००) 'विउव्वीणं' ति वैक्रियलब्धिवताम् ॥२१॥
तथा द्वादशसहस्राणि षट्शतानि सार्द्धानि (१२६५०) वादिनश्च सदेवमनुजाऽसुरायां सभायामप्यपराजिताः । तथा विपुलमतयश्च द्वाविंशतिसहस्राणि षट्शतानि सार्द्धानि तत्र विपुला बहुविधविशेषणोपेतमन्यमानवस्तुविग्राहित्वेन विस्तीर्णा मतिर्मनःपर्यायज्ञानं येषां ते विपुलमतयः, ते हि सम्पूर्णे मनुष्यक्षेत्रे व्यवस्थितानां संज्ञिनां मनोवर्ति सर्वविशेषोपेतं वस्तु विपुलमतयो जानन्ति । ऋजुमतयस्तु सामान्यत एवाऽर्द्धतृतीयाङ्गलन्यूने मनुजक्षेत्रे व्यवस्थितानां संज्ञिनां मनोमात्रग्राहकाः न च तैरिहाधिकार इति । तथा द्वाविंशतिसहस्राणि नवशतानि च (२२९००) अनुत्तरोपपातिनः अनुत्तरविमानेषूपपात - उत्पत्तिर्विद्यते येषां ते तथा, ते चागामिभवभाविसिद्धिगतयो ज्ञेयाः ॥ २२ ॥ इति गाथा चतुष्ट्यर्थः
अथ मोक्षकल्याणकं भणन्ति
सामन्नं पालिय पुव्वलक्खमक्खाय महव्वए, पंच । चक्कहरभरहवंदिय ! चउकल्लाणुत्तरासाढ ! ॥२३॥ पज्जंकठिओ अट्ठावए समं दसेहिं साहुसहस्सेहिं । तं माहकिण्हतेरसि पुव्वऽभीइरिक्खमि ॥२४॥ चउदसमेण सिवसुहं संपत्तोसि जिणवल्लह ! मुणीण ! | मह कुरु दयं, हर भयं, देहि मइ, नेहि परमपयं ॥२५॥ तिसृभिः कुलकम् ॥ श्रामण्यं-चारित्रधर्मं पालयित्वा पूर्वलक्षं यावत् भगवतश्च सर्वायुः चतुरसीतिपूर्वलक्षाः तत्र विंशतिपूर्वलक्षाः कुमारत्वे त्रिषष्टिपूर्वलक्षा राज्ये एकं पूर्वलक्षं श्रामण्ये इति । तथा पञ्चमहाव्रतान्याख्याय - प्ररूप्य हे चक्रधरभरतवन्दित !-भरतचक्रवर्तिप्रणत ! अत्र भरत इत्युपलक्षणमात्रं तेन
‘वराक्ष-श्रग्युतावामदोर्युगो गजवाहनः । समातुलिङ्गया.... दोर्द्वयः कनकद्युतिः ||१||
समुत्पेदे जगद्भर्तुः सदा सन्निधिसेवकः । तीर्थत्राणकलादक्षो यक्षो गोमुखसंज्ञया ॥२॥