Kirti Kaumudi tatha Sukrut Sankirtan

Author(s): Someshwar Mahakavi, Arisinh Thakkur Kavi,
Publisher: Singhi Jain Shastra Shiksha Pith Mumbai

Page 51

गूर्जरेश्वरपुरोहितश्रीसोमेश्वरदेवविरचितं शृङ्गैरुदौर्दिवमुल्लिखन्तं, दिश: स्पृशन्तं पृथुभिश्च पादैः । तलेन धात्रीतलमाप्नुवन्तं, हरन्तमन्तःकरणानि कान्त्या ।। कचित् तटीः काञ्चनकान्तिजुष्टाः, कृचिन्नदीरुन्मदराजहंसाः । कचिद् द्रुमानार्द्रफल-प्रवालान् , क्वचिच्च धातून विविधान् दधानम् ॥ सिताम्बरं मन्त्रिवरस्तमग्रनिविष्टनिर्विष्टपयोदभङ्गया। समाधिबन्धादिव निश्चलाङ्ग, मुनीन्द्रतुल्यं तमगं ददर्श ॥ चतुर्भिः कलापकम् ।। विकासवद्भिव्रततिप्रसूनैरन्तःप्रसुप्तभ्रमरैर्यदीयाः । वनाधिदेव्यस्तमिवोपयान्तं, विलोकयन्ति स्म विलोचनाभैः ।। सरांसि राजन् ! नलिनीवनानि, वनानि वेल्लन्नवपल्लवानि ।' मुदं निदाघज्वरितस्य यंत्र, कुर्वन्ति गन्धर्ववधूजनस्य ।। स्थितस्य यस्योपसमुद्रमद्रेर्मेघावलीवेष्टितमेखलस्य । बभूव नेत्रश्रुतिनेत्रभाजा, सतीर्थ्यता मन्शमहीधरेण ॥ रत्नप्रदीपेषु गुहागृहेषु, तान्ता रतान्तावसरे सुरस्त्रीः । रेणुं किरन्तः कुमुदाकराणां, तमीसमीराः सुखयन्ति यत्र ।। अभ्रंलिहप्रस्थशिरःस्थशुभ्रपयोदसन्दोहमिषेण धर्मः । कले: खलस्य प्रसरं विलोक्य, निराकुलस्तिष्ठति यत्र दुर्गे ।। उदस्तहस्तैः करिभिर्विमुक्ता, मुक्ताफलानां श्रियमाश्रयन्तः । अम्भःकणा दिङ्मुखभूषणानि निरन्तरं यत्र तरङ्गयन्ति ।। निशासु यस्मिन्नवतंसितानां, समीपवर्ती जगतीरुहाणाम् ।। तारागणः पुष्यति पुष्पशङ्कां, मुग्धस्य सिद्धप्रमदाजनस्य । अधित्यकाधिष्ठितपानगोष्टीगीतोत्कतोत्सङ्गकुरङ्गरुद्धः । मृगीदशां राजति यत्र रात्रिकरः करप्राप्य इव क्षपासु ॥ यस्मिन् विदग्धा अपि सिद्धवध्वः, सम्भूतभूतेषु वनान्तरेषु । फलैर्विपक्काप्रमुखैः सदृक्षान् , कीरान् विरावैरुपलक्षयन्ति । न तद् वनं यत्र न कोकिलानां, नृत्यन्ति गीतैरिव नीलकण्ठाः ।। यस्मिन् गिरौ तानि सरांसि यानि, स्वेनैव शैत्येन वहन्ति कम्पम् ॥ यस्मिन् सदा स्मेरसरोजराजिविराजितासङ्ख्यसरःपरीते । आकर्णयन्तोऽपि नवाब्दशब्दान् , न मानसाय स्पृहयन्ति हंसाः ॥ दिनाधिनाथेन पुरोनिरस्तमस्तस्थिताञ्चन्द्रमसश्च बिभ्यत् ।
यत्कन्दराः संश्रयते तमिस्र, दत्ते हि दुःस्थस्य पदं महात्मा ॥ १ चतुभिः कुलकम् प्र० कां० ॥ २ यस्य, कु मु० ॥