Kirti Kaumudi tatha Sukrut Sankirtan

Author(s): Someshwar Mahakavi, Arisinh Thakkur Kavi,
Publisher: Singhi Jain Shastra Shiksha Pith Mumbai

Page 123

११२
द्वितीय
श्रीमदरिसिंहविरचितं वितन्वतः कासहूदाख्यपत्तने, महोत्सवं नाभितनूजसद्मनि । सहायतां प्रत्यशृणोन्महामते-रमुष्य दृग्वम॑नि देवताऽम्बिका ॥ अथास्य सङ्घस्य विसर्पतोऽग्रतः, शताङ्गचक्रोचितचीत्कृतस्वनः । नदन्महोक्षध्वनिवर्मितोऽपि सन् , हयालिहेषाभिरलाभि लाघवम् ॥ पवित्रमेतत् तिलकाय नित्यशः, परस्परस्पर्द्धिभिरूर्ध्वमुत्सुकैः । तदा सदारैः समवापि दैवतैः, मुदैव तैः सङ्घविहारजं रजः ॥ अभूत् तदा सङ्घपदाभिषङ्गत-स्तथा कथञ्चिद् विरजस्तमा मही । यथाधिरूढाऽपि शिरस्यहीशितु-श्चकार नो भारमुदारविग्रहा ॥ विभेद्य लोभेन धवान् धवान्तरै-र्यया प्रपेदे प्रतिघातपातकम् । पवित्रिता सङ्घपदैर्दिवं ययौ, मही स्वदेहेन रजोमयेन सा॥ महानय सङ्घजनोऽचलत् कथं, धरिष्यथ दमामिति जल्पितुं तदा । गतैः समीपं किल रेणुभिः ककुप्-करेणुभिर्मक्षु मदो निराकृतः ॥ रजस्तदा विस्तृतसङ्घसम्भवं, नभोनदीतीरगनीरगर्भितम् । इहापि गङ्गामृदलाभि दुर्लभे-त्यकर्षि सप्तर्षिभिराशु हर्षिभिः ॥ द्विजेश्वरश्रीहृतिपातकादिव, द्रुतं दिवः पातिभिरर्कभानुभिः । पवित्रसङ्घक्रमरेणुसङ्गमा-दसङ्गमूइँव गतिः स्म तन्यते ॥ विसर्पता सङ्घजनेनं मेदिनी, पवित्रिर्ता प्रत्युपकारिणी ततः । उदस्य धूलीस्तपनातपं व्यधाद् , व्यधाच्च तूर्णं सुतरास्तरङ्गिणीः ।। चलाचलायां भुवि सङ्घसङ्गमात्, तदा तरन्न्यामिव धर्मवारिधौ । जगद्भरोऽस्माकमवातरत्तरा-मिति स्म नृत्यन्ति मुदा महीभृतः ।। अथाघशल्यानि निरासितुं रया-दनेन सङ्घन परोपकारिणा । शताङ्गचक्रप्रधिलीलयाऽवनि-विदार्यमाणा सरवं व्यकम्पत ।। अमुष्य सङ्घस्य विलइनक्रियां, वितन्वतोऽपि क्रमशौचकर्मठः । स्फुटस्फुरत्फेननिभेन भेजिवान् , शुचीनि पुण्यानि तरङ्गिणीगणः ॥ क्रमक्रमस्थापितवारि-शर्करा-करम्ब-वालुङ्कविभूषितप्रपः । स्थितं गृहक्रोड इव प्रमोदिनं, निनाय मन्त्री जनमित्थमध्वनि ॥ सृजन् जनः पूजनमुत्सवोत्सुकः, पुरे पुरे तीर्थकृतां कृताञ्जलिः । अलं व्यलद्दिष्ट नहीं महीयसी-मसीमसम्भावितभावनाद्भुतः ॥ समीपसङ्केतनिकेतनं शिव-श्रियो वियन्मानसमुन्नतं ततः । पुरः पुरं धर्मनृपस्य पश्यति, स्मितः स्म शत्रुञ्जयपर्वतं जनः ॥
३०