Kirti Kaumudi tatha Sukrut Sankirtan

Author(s): Someshwar Mahakavi, Arisinh Thakkur Kavi,
Publisher: Singhi Jain Shastra Shiksha Pith Mumbai

Page 127

श्रीमद्रिसिंहविरचितं
[हितीयं विरहशिखिसमीरः कामनासीरवीर-स्तिमिरतरुकुठारः पूर्वदिक्तारहारः ।। गगनगजनिषादी कामिनीचक्रवादी, सितरुचिरुदितोऽयं वर्धयन् वार्धितोमम् ॥ १६ इभकुलमिभमल्लोद्भासि कैलासशैला-कृतिमकृत नगौधं शेषवच्छेषसोन् । रुचिरमृतमरीचेः सङ्घभर्तुर्यशःश्री-रिव धवलितविश्वा जाह्नवीं निहनुवाना ॥ वियदहनि वितेने स्वस्य विश्वस्य सङ्घ-क्रमसमुदितधूलीमण्डलैर्मण्डनं यत् । सुकृतमिदमिदानी मूर्तमभ्युद्यदिन्दु-द्युतिनिभमिति लेभे भिन्नमालिन्यमालम् ॥ १८ चिरमुपचितहर्षः सङ्घलोकावलोका-दिव कृतसुकृतोऽयं व्योमचूडावलम्बी। सहजनिजकलङ्घन्यत्कृतिभ्राजमाना-कृतिरकृत न केषां विस्मयं शीनरश्मिः ? ॥ १९ निशि नियतमियत्यामप्यमु सङ्घलोकं, कृतमहामेह भक्त्या जागरूकं विलोक्य । इयमधुनुत मौलिं विस्मिता व्योमलक्ष्मीः,कुसुममिव तदाऽस्मान् मन्दमभ्रश्यदिन्दुः ॥ २० गिरिशिरसि जिनेशं नन्तुकामस्य मा स्या-महमहह ! महत्त्वादस्य यात्रान्तरायः । । इति विस्मरभावभ्राजमानक्षणस्य, क्षणमपि न तमिस्रा सङ्घलोकस्य जाता ॥ चलितसकलतारालोकमामुक्तसन्ध्या-दहनमिह विहायोमण्डलं द्राग् विहाय । सहजमहसि सूरे हन्तुमागन्तुकामे, परमपरमहीभृदुर्गमिन्दुर्गतोऽयम् ॥ सजलजलदचारुर्वारुणीरागभाजः, क्षितितललुठितस्यामुष्य मुक्ताम्बरस्य । समरतिमिरवेषो यज्वनां भर्तु रेष, त्रिभुवनभवनान्तर्दुर्यशोराशिरासीत् ॥ स्फुटघटितकलङ्को यज्चनामेष भर्ता, त्यजति करगृहीतामप्युषां भूरिभुक्ताम् । • इति बत ! कुमुदिन्यः सारसौरभ्यलोभा-गतमधुपधवेषु व्यादधुर्बन्धसन्धाम्॥ हरिहरिति रथाङ्गानल्पसङ्कल्पकल्प-द्रुम इव दिवसेऽस्मिन्नुद्गमारम्भभाजि । जलधिसविधगुप्तादंशुमद्विम्बबीजा-दुदयत मृदुतेजःकैतवादकरोऽयम् ॥ पतितवति पयोधेरन्तरा हन्त ! रात्रि-प्रिययुवतिविभेदाद् दुःखभाजि द्विजेन्द्रे । द्विजततिरतितारं निर्ममे तारकाणां, पथि कलकलमुच्चैरुच्चरन्ती चिराय ॥ भृशमुषसि तुषारस्यन्दसङ्काशतारा-वलिवलयितनीलध्वान्तदूर्वावणौघः । गगनपथविहारोच्छृङ्खलैरस्खद्भि-स्तरणिकरकिशोरैर्जग्रसे मुक्तमुक्तैः ।। भुजगजगति 'भूति भोगिचूडामणीनां, भुवि भवनमणीनामम्बरे तारकाणाम् । सपदि विपदमेता निन्यिरे भू-र्भुवः-स्व-स्त्रयविवरविलासव्यापृता भानुभासः ॥ मसृणघुसृगक्लप्तश्चन्द्रलेखानुकारी, तिलक इव समुद्यन् प्राग्दिशः सूर्यलेशः ॥ अयमभजत जम्भारातिकुम्भीन्द्र कुम्भ-स्थलविलुलितलीलाशातकुम्भाङ्कुशाभाम् ॥ २९ जलनिधिजलमध्यात् तुङ्गशैलाग्रजाग्र-त्करपरिचयशक्त्या भानुरभ्युजगांम। .
सपदि विपदपेतं कान्तमेन विलोक्य, प्रहसितमुखपमा पद्मिनी नृत्यति स्म ॥ ३० १ ग-भूतिर्भो ॥