Kirti Kaumudi tatha Sukrut Sankirtan

Author(s): Someshwar Mahakavi, Arisinh Thakkur Kavi,
Publisher: Singhi Jain Shastra Shiksha Pith Mumbai

Page 137

.
[ द्वितीय
१२६
श्रीमदरिसिंहविरचितं तरलतारलतागृहपङ्कज-च्छदनचन्दनचन्द्रमरीचिभिः । तपनतापनताकृतिरप्यसौ, रतिवरोऽतिवरोरुषु जृम्भते ॥ नभसि दर्पणतुल्यतडिल्लता, जलदपद्धतिरुद्धतडम्बरा । मदनसैन्यगजवजवद् बभौ, कृतरवा तरवारिसितेतरा ॥ वियदमीमिलदर्क-निशाकर-द्वयमये नयने भयतो भृशम् । यदतुलां तडितं धनमालिका-धिकरवा करवालमिवाक्षिपत् ॥ यदयमेतदवाप्य तपस्विनां, हृदि हतोऽपि जिजीव मनोभवः । अपि भुजङ्गभुजां शुशुभे सुधा-कवचनं वचनं शिखिनां ततः ॥ मदभिवर्धितसिन्धुमहीरुह-वजविशोषकमेतदिति क्रुधा । अधिककर्ममहः सहसा धनैः, कवलितं वलितं तडितां मिषात् ॥ अपरता परतापक्रकण्टिका-हतककेतककेलिषु षट्पदी । अमलकोमलकोरकसौरभ-स्थितिषु जातिषु जातरसाऽभवत् ॥ अलकलोलमधुव्रतमञ्जुलाऽ-म्बुजमुखी जघनोज्ज्वलसैकता । शरदि हंसरवेण समाश्रिता, धृतरसा तरसा तटिनीवधूः ॥ कचन भर्तरि याति तपात्यये, घनघटाश्रुजलानि मुमोच न । विरहवद् दधती तपनं व्यथा-प्रदममन्दममङ्गलशङ्कया ॥ युग्मम् ॥ पदमधत्त गतस्य पयोमुचः, सुहृदशून्यमसौ शिखिनां गणः । गलितपत्रमयातपवारणैरविभवं विभवं महसां क्षिपन् ।। समुदिते मुदितेऽम्बुरुहि प्रिये कुलवये वलये सरितां तथा । अभृत सम्भृतसम्पदमर्यमा-च्छविमलं विमलं च विधुर्महः ॥ खररुचेर्विजयाय निजद्विषः, सहसि साहसिकीव विभावरी । प्रतिदिनं परितः परिवर्धितो-त्तमहिमा महिमानमुपाययौ ॥ तुहिनमन्दतरां मलिनेऽब्जिनी-मलिनि मुञ्चति रागपरामपि । करणिकाभिरहो ! शतपत्रिकाः, सह सितं हसितं परितन्वते ॥ पदमकारि मुखे सुदृशां सदा, विमलकान्तिनि कुङ्कुममण्डिते । हिमरुचः कमलस्य च सम्पदा, हिमनिकामनिकारबिनुन्नया ॥ तुहिनवाहिनवाद्भुतवातभी-रुचितकुञ्चितकुङ्कुमकैतवात् । वरतनूरतनूष्मणि भास्वरा-तपततिः पतति स्तनमण्डले ॥ हिमभरस्य तपःप्रथितोन्नते-र्वनमहीरुह एव भुजो भृशम् ।
• निजरिपोरपि निर्गमनोद्यम, दिनकरो न करोति कथञ्चन ॥ १ क-ख अभि भु ॥ २ एतत्पद्यं क-ख पुस्तकयो स्ति ॥
.