Kirti Kaumudi tatha Sukrut Sankirtan

Author(s): Someshwar Mahakavi, Arisinh Thakkur Kavi,
Publisher: Singhi Jain Shastra Shiksha Pith Mumbai

Page 136

परिशिवम् ] , सुकृतसंकीर्तनमहाकाव्यम् ।
अथ गिरीशतटीषु मनीषिणां, परिवूढः परिपूर्णमनोरथः । । षडपि तत्र ददर्श ऋतून कला-शुचिरयं चिरयन्त्रितविभ्रमान् ॥ प्रकटितायसकतरिका मधौ, मधुसखस्य भटा इव किंशुकाः । भ्रमरसङ्गसितेतरविस्फुरत्-सुमनसो मनसो ददते मुदम् ॥ इदमभूद् दलयन् नलिनी: प्रियाः, मम महःपरिखण्डनहेतवे । इति हिमस्य भिदामहिमद्युतिः, स्म तनुते तनुतेजितविष्टपः ।। स्मरशिखी तनुमानिव चम्पकः, कुसुमितो मधुपावलिधूमितः । दहति काननसीमनि काञ्चन-च्छविरहो ! विरहोषितयोषितः ।। स्मितसरोजमुखीमुखवासना-सुरभिमद्यविशेषितसौरभम् । परिहृतापरवल्लिमधुव्रती-धवकुलं बकुलं प्रति धावति ॥ सुमनसां त्वमसि स्थितिभूस्त्वया, जाति विश्वमसौ कुसुमायुधः । मधुमितीह रसालरसालसा, पिकवयः कवयः कवयन्त्यमी ॥ स्मरनृपस्य चरत्वमुपागता, द्विजचया मधुरध्वनिशालिनः ! मधुलिहः सुमनस्सु ददुः पदं, तिलकजालकजातविभूतयः ॥ दधुरनङ्गनिषङ्गतुलामधो-मुखशिलीमुखराजिविराजिताः । स्फुटविकाशमुखाः कमलाकराः, न पथि कं पथिकं प्रति प्रीतये ॥ स्तुतगुणं कुतुकेन मधुव्रतै-रिव रवाकुलितैः सुमनोमयम् ।। मधुसखाय मधोविनियोगतः, शरचयं रचयन्तितमां लताः ॥ व्यथयति प्रथितारुणतेजसो, दहनमन्त्रमयादिव शस्त्रतः । मधुसखोऽयमशोकलतालसत्-कुसुमतोऽसुमतो विरहातुरान् ।। मलयजद्रुमसङ्गिभुजङ्गम-स्फुरितफूत्कृतिसम्भ्रमसम्भृतः । पथिकलोलदृशां मलयानिलः, सुविषमो विषमोहमिव व्यधात् ॥ कमलकोमलकोशकुचोलते-रलिकलालिकलासितसम्पदः ।। व्रततिकाततिकायवनश्रियो-ऽधिकमशोकमशोभत पाणिवत् ॥ .. कमलकान्तिहरी कृशतां नयन् , सह हिमाद्रिहिमेन विभावरीम् । कमलबन्धुकृतोन्नमनो बभौ, शुचिरयं चिरयन् दिवसश्रियम् ॥ द्रुतसमेतदिनाधिपतिप्रभा-परिगलद्गतशेषतमीकणाः । अनिललोलशिरीषरजच्छलाद् , द्विरदनीलरुचो बभुः ॥ अहमिहारुणधाम्नि सितेतरो, बत ! विभाम्यथवाऽत्र सितच्छ्वौ । भ्रमति भृङ्गयुवा नवपाटले, विचकिले च किलेति मुहुर्मुहुः ॥
१ग-पथिकलोकह