Kirti Kaumudi tatha Sukrut Sankirtan

Author(s): Someshwar Mahakavi, Arisinh Thakkur Kavi,
Publisher: Singhi Jain Shastra Shiksha Pith Mumbai

Page 120

परिशिष्टम् ]
सुकृतसंकीर्त्तनमहाकाव्यम् ।
सर्वतोमुखतपोहुताशनै-हुतः स्मर इति व विस्मयः ? । निर्णितः पुरजिता पुरा यतो, नेत्रमात्रतुलिताग्निनाऽपि सः ॥ गम्यते तपनरम्यतेजस - स्तस्य वन्दनविधित्सया गुरोः । देशनां समधिगम्य तन्मुखाद्, धर्मकर्मणि निधीयते मनः ॥ इत्युदीर्य मतिभासुरः पुरस्कृत्य कृत्यविदसौ सहोदरम् | कम्पयन् कलियुगं मनोरथै - राससाद वसतिं मुनीशितुः ॥ द्वारमध्यमविशन्निषेधिका - मुद्गिरन् गुरुमवेक्ष्य तत्पुरः । बाष्परुद्रस्यन: पदे पदे, सम्मदेन घनगद्गदोऽस्खलत् ॥ दुःषमाविषमता पतापितां, वीजयन्निव धरामसौ चिरात् । अञ्चलेन करचञ्चलेन त चक्रिवान् गुरुनमस्कृतिं कृती ॥ दन्तदीप्तिपटलच्छलोच्छल - न्मूर्त्तिमत्सुकृतवर्मितामिव । वित्रुटदुरितराशिराशिषं, निर्ममे तदनु निर्ममेश्वरः ॥ सोऽभ्युदञ्च्य कथमप्यथ क्षिते - भक्तिभारनमितं शिरश्चिरात् । अग्रतो मुनिविभोर्व्यभूषयद्, युक्तमासनममुक्तवासनः ॥ आकलय्य मुखवस्त्रिका मुख- द्वारि विस्फुरितदन्तदीप्तिवत् । देशनां सचिवभर्तुरग्रतः कर्तुमारभत सूरिशेखरः ॥ वीतरागमतधर्मकारिणः, साधुवृत्तगुरुभक्तिभासुराः । श्रावकाः कतिचिदाप्तभावना - दान - शील- तपसो भवन्ति चेत् ॥ दान - शील-तपसां विजित्वरी, भावनैव भवनाशिनी भवेत् । तां पुनर्विजयते प्रभावना, सा तु सम्पदि सुखेन साध्यते ॥ अस्थिरः करभिका इव श्रियः पातयन्ति नरकावटे नरम् । कश्चिदेव निपुणं नियोजकं लङ्घयन्ति विकटां भवाटवीम् ॥ श्रावकत्वममलं कुलं कला - चक्रवालमपि कश्चिदुद्वहन् । सम्पदा ललनयेव लोलया, पीतमद्य इव मोह्यते जनः ॥ श्रीलता शुचितरेषु रोपिता, स्थानकेषु समये यथाविधि । पुष्पिताऽद्भुततरैर्यशोभरै- राशु पुण्यफलहेतवे भवेत् ॥
न स्थिराः कचन यान्ति खण्डशः, सम्मिलन्ति रसवत् कथञ्चन । सम्पदः प्रकटितप्रभावनाः, कस्यचिद् यदि भवन्ति सिद्धये ॥ पावयन्ति परिक्लृप्तभावना - दान - शील- तपसः स्वमेव तत् । विश्वशासनविकाशदीपिकां, व्यातनोति विरलः प्रभावनाम् ॥
२५
२६
२७
२८
२९
३०
३१
३२
३३
३४
३५
३६.
३७
३८
३९.
१०