Jindev Darshan

Author(s): Mohanlal Dalichnad Desai
Publisher: Mulchand Hirji Mangrolwala

Page 7

આ વાત ધ્યાનમાં રાખી શ્રી જિન ભગવાનના અતિશયો અને પ્રાતિહાર્યોમાં જે જે ભાવના ભાવી શકાય તેમ છે તે તે ભાવના, જે દર્શન–વંદન વિધિ છે તેના હેતુઓ, અને દેવવંદનમાં જે સૂત્રનો ક્રમ આપેલ છે તે ક્રમનો જે મૂલ આશય હોઈ શકે તે આપેલ છે, અને સાથે શ્રી જિનપૂજાનું સામાન્ય સ્વરૂપ પણ સમજાવેલ છે. આ સંબંધે મુનિશ્રી ચારિત્રવિજયજીએ જે અમૂલ્ય સહાય આપી છે તેને માટે આ લેખક તેમનો અતિ ઉપકાર માને છે; અને વિશાલ વાંચનથી સ્થિતપ્રજ્ઞ રા. રા. અમરચંદ ઘેલાભાઈ(ભાવનગરવાળા)એ આ પુસ્તક આખું અવલોકી જે જે સૂચનાઓ કરી છે, તેને માટે તેમને પણ આભાર સ્વીકારે છે.
ભાષા બહુ સરલ, સામાન્યજન અને વિદ્યાર્થી વર્ગથી સમજી શકાય તેવી રાખવા પ્રયત્ન કર્યો છે. તેથી જ્યાં જ્યાં દેવવંદન ભાષ્ય અગર ત્રણ ભાષ્ય શિખવવામાં કે અભ્યાસક્રમમાં રાખે છે–જેવી રીતે શેઠ અમરચંદ તલકચંદ જૈન ધાર્મિક પરીક્ષા, શેઠ ઉત્તમચંદ જૈન સ્ત્રી ધાર્મિક પરીક્ષા, જૈન પાઠશાળાઓ વગેરે–ત્યાં ત્યાં આ પુસ્તક ઉપયોગી નીવડશે એમ આ લેખક નમ્રપણે આશા રાખે છે, અને તેમ થયે તેને શ્રમ વિશેષ કૃતાર્થ થશે.
આ પુસ્તકને હજુ પણ વિશેષ વિસ્તારવાની જરૂર રહે છે, છતાં હાલત બીજા સંજોગોને લઈને, તથા તેને જેમ બને તેમ જલદી બહાર પાડવાની તાકીદીથી થોડું પણ મુદ્દાસર જે લાગ્યું તે સરલ ભાષામાં રજુજ કર્યું છે. - છેવટે આ પુસ્તક લખતાં જે કંઈ દોષ, અસત્ય કથન આદિ થયું હોય તો તે સંબંધે “તમિથ્યા તુરં સૂચ, જિનિત્તતં જમવાથા” માગી લઈ વિદ્વાનોને વિનતિ કરીશ કે તે સર્વ મને લખવામાં કે જણાવવામાં આવશે, તે સુયોગે બીજી આવૃત્તિ થાય તો તેમાં યોગ્ય અનુસરણ કરવાનું કદી ભૂલીશ નહિ. શેઠ ગોકુલભાઈ મૂલચંદ્ર
જિનચરણોપાસક, જેન ટુડંટ્સ હોસ્ટેલ
મેહનલાલ દ, દેશાઈના પરેલ, મુંબઈ, , ; ૨૪. ૯. ૧૮૧૦, , , , ,
જય જિનેન્દ્ર.