________________
૩૭
પણ તેમના સદગુણનું અનુકરણ કરવાનું મન થાય છે. વળી આપણે જેમ વધારે ભાવથી વીતરાગ પ્રતિમાને નિરખીએ છીએ, તથા સ્તુતિ, નમસ્કાર, પૂજા આદિ પ્રકારથી તેનું બહુમાન કરીએ છીએ, તેમ તેમ આપણા આત્મામાં સગુણ ગ્રહણ કરવાની તથા સદાચરણથી ચાલીને મોક્ષ મેળવવાની ઈચ્છાના અંકુરો પ્રગટ થાય છે. પ્રતિમાનું દર્શન કરવાથી, તેની પૂજા કરવાથી, જે ઉત્તમ જીવનું તે પ્રતિબિંબ છે તેના ચરિત્રનું મનન કરવાથી, તથા આપણી જીંદગી પણ તેમના જેવી ધમિંછ, દયાળુ અને પરોપકારી થાય, અને આપણે પણ તેની પેઠે મોક્ષનાં અનંત સુખ મેળવીએ એવી ભાવના ભાવવાથી આપણને કલ્યાણ થાય છે. આ દર્શન પરંપરાએ પરિણામરૂપ છે તેથી તે પરંપરાએ દર્શનથી તેના જેવી સ્થિતિએ પહોંચવાને આપણે લાયક થઈએ છીએ. આ પરથી સમજાશે કે આંગી એવી હોવી જોઈએ કે જે વીતરાગ મુકાનું યથાસ્થિત ભાન કરાવે, અને આપણા કરતાં અનંતગણ ગુણોને તે ધારણ કરનારા છે એવું હૃદયપૂર્વક સમજાય.
હમણુના લોકો બાહ્ય આડંબરમાંજ મોહી રહ્યા છે. ઘેર આવીને વીતરાગ મુદ્રાનાં વખાણ એક કોર રહ્યાં, પરંતુ આંગીનાં જ વખાણ આપણે સાંભળીએ છીએ અને તે આવી રીતે કે “ઓહો ! આંગી કેવી સરસ હતી! હાર કેવો સુંદર લીલમનો હતો! ઘડીઆળ કેવું શોભતું હતું!” આમ થવાથી ભૂલ વસ્તુ ભૂલી જવાય છે, અને ચિત્તને વીતરાગ મુદ્રાથી પ્રાપ્ત થનારા ગુણ નામે સ્થિરતા, શાંતિ અને સમભાવ પ્રાપ્ત થતાં નથી; અને જે તે પ્રાપ્ત ન થાય તો સમજવું કે આપણા દર્શનમાં કાંઈ ખામી છે; અને આ ખામી દૂર કરવાનું આપણું કર્તવ્ય છે.) | (૨) અગ્રપૂજા-ધૂપ, દીવો, નૈવેદ્યાદિ ભગવાનની આગળ મૂકી
આરતી, ઘંટ, ચોખા આદિ સાહિત્યોથી પૂજા કરવી તે. (૩) ભાવપૂજા--ભાવસહિત સ્તુતિ, સ્તવન, ચૈત્યવંદન વગેરે બોલી
ચામર વગેરે ઢાળવાથી થતી પૂજા તે.
ભાવે ભાવના ભાવીએ ભાવે દીજે દાન, ભાવે જિનવર પૂજીએ ભાવે કેવલજ્ઞાન. . કાર્યની સફળતાનો આધાર ભાવના ઉપર છે.
Shree Sudharmaswami Gyanbhandar-Umara, Surat
www.umaragyanbhandar.com
