Book Title: Jambuchariyam
Author(s): Jinvijay, Chandanbalashree
Publisher: Bhadrankar Prakashan
View full book text
________________
२२५
सोलसमो उद्देसओ
दइए निवेसियाई दइयाए धवलपम्हलच्छीणि । दोण्ह वि विरहभएणं जायाई. निमेसरहियाइं ॥४२२॥ माणकलिया वि पयडइ रायं दइयस्स पोढवरमहिला । सुरयसुहासापरिखित्तमाणसा पुलयभेएण ॥४२३॥ कवडेणं नासंतं दइयं दट्टण झत्ति मुद्धाए । अवहत्थिज्जइ माणं कंठविलग्गाए दइयस्स ॥४२४॥ विरहग्गिणा वि दड्ढो पहिओ कह कह वि पाविओ दइयं । अणवरयं चिय घुट्टइ तण्हासुसिओ व्व अहररसं ॥४२५।। सव्वो वि जणो सव्वायरेण संलद्धगरुयपसरेण । महुणा मयजज्जरिओ कीरइ मयबाणपहरेहिं ॥४२६॥ सज्झायझाणकलिए जुत्ते चारित्तकवयसंनद्धे । गुरुवयणतग्गयमणे मोत्तूणं साहुणो एक्के ॥४२७।। इय एरिसे वसंते मयणसरा नो मणं पि मउए वि । खुप्पंति जंबुहियए सिद्धिवहूनिब्भरमणस्स ॥४२८॥ गुरुवयणकवयकलिए जंबुकुमारे अलद्धसंपसरे । परिजूरइ पंचसरो विमुहीकयसयलवावारो ॥४२९॥ वयगहणनिच्छियमई जंबुकुमारं वियाणिउं ताहे । ण्हाणेह समाणत्तो जणएहि विलासिणीलोओ ॥४३०॥ माणिक्कवेइयाए कंचणपीढंमि जंबुवरनामो ।
उवविट्ठो विलयाहिं उवणीया मज्जणविही य ॥४३१॥ ताव य किं जायं ?अवि य- घोलंतकन्नकुंडलकंठविरायंतधवलहाराहिं ।
बाहुलयारयणवलयकलरवपरिमुहरियदिसाहिं ॥४३२॥ पिहुलनियंबयडट्ठियरसणाकिंककिणिकलप्पवालाहिं । चलचलणरयणनेउररवभरियनहंतरालाहि ॥४३३।।
Jain Education International 2010_02
For Private & Personal Use Only
www.jainelibrary.org
Page Navigation
1 ... 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318