Book Title: Jambuchariyam
Author(s): Jinvijay, Chandanbalashree
Publisher: Bhadrankar Prakashan
View full book text
________________
२२४
जंबुचरियम् ता पसिय पसिय जयगुरु ! विहेसु पणईण कह वि तं वीर ! । कम्मकलंकविमुक्कं नियचलणासन्नपरिवासं" ॥४१०॥ एवं थुणिऊण जिणं सहिओ सो पणइणीहिं पणिवइओ । जिणपयकमले विमले पयाहिणं तह पुणो काउं ॥४११॥ काऊणं सयलं चिय जहारुहं तं पि तत्थ करणीयं । परियणसहिओ य गओ जिणभवणं जंबुणामो त्ति ॥४१२।। सहयारमंजरीगंधलुद्धभसलालिगीयसंवलिओ। ताव य माहवमासो समागओ जणमणाणंदो ॥४१३॥ केसुयनिहेण नज्जइ वणलच्छी महुसमागमे मुइया । पयडेइ रायभावं दइयस्स व पोढमहिल व्व ॥४१४॥ परिहरइ निययवावाइयं पि जो केसरी वणुद्देसे । पिसियं च भुक्खियं पिव किंसुयउक्केरसंकाए ॥४१५।। फुल्ली पलाससिहरे पलंबिए कुसुमनियरभारेण । देइ चलप्पं बहुसो असणत्थं मंससंकाए ॥४१६।। पंथियवंद्राई वणे दट्ठण(दटुं) सहयारमंजरीनियरे । ऊसुयमणाई बहुसो सरिउं दइयाण मुझंति ॥४१७।। कप्पूररेणुपरिमलमयरंदामोयनिब्भरसुयंधो । पहियाण दहइ हिययं सिसिरो विय दाहिणो पवणो ॥४१८॥ पहियदइयाण हियए चंदणमयरंदनिब्भरसुयंधो । विरहानलदड्ढाई दाहिणपवणो समुद्धवइ ॥४१९॥ सयराहं मुक्काओ जीएणं पहियदइयदइयाओ । ईसीसि जाव निसुओ कोइलकलकंठउल्लावो ॥४२०॥ दइयावाहजलेण वि पंथे न निवारिओ तहा दइओ । मांसलमयरंदेणं जह पाडलकुसुमगंधेण ॥४२१॥
Jain Education International 2010_02
For Private & Personal Use Only
www.jainelibrary.org
Page Navigation
1 ... 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318