Jambuchariyam

Author(s): Jinvijay, Chandanbalashree
Publisher: Bhadrankar Prakashan

Page 285

२५२
जंबुचरियम् जओ भयवओ वयणं
"जिणवंदणच्चणनमंसणाहिं सुहसंपयं समज्जिणहा । किसलयदलग्गसंठियजललवइवचंचलं जीयं" ॥७४५॥ [ ] ता एयं नाऊणं असेसकल्लाणजणणभूएसु । सव्वायरेण जत्तो सुहेसु जोएसु कायव्वो ॥७४६॥ जिणवंदणाइ काउं एवं परमाए गरुयसद्धाए ।
संघस्स कुणइ पूयं तित्थयराणंतरं संघो ॥७४७॥ जओ भगवओ एवं वयणामयं पवयणं
"[चेईय ]कुलगणसंघआयरियाणं तहेव साहूणं । पूयं ससत्तिओ वि हु कुणमाणो हणइ संसारं ॥७४८॥ [ ] गुरुथेरतवस्सिगिलाणबालवसभेसु जो उ भत्तीए । ओसहसयणासणवत्थवसहिआहारपाणं च" ॥७४९॥ [ ] जो देइ सुपरिसुद्धं विहाणओ गरुयविणयपरिकलिओ । निरुवमसंवेगगओ पवड्डमाणाए सद्धाए ॥७५०॥ सम्मत्तनाणचारित्तविणयसज्झायझाणकलियाणं । संजमसोयरयाणं खंतज्जवमद्दवरयाणं ॥७५१॥ वेयावच्चधराणं तिगुत्तिगुत्ताणं समिइजुत्ताणं । समलेढुकंचणाणं निरग्गिसरणाण साहूणं ।।७५२॥ रागाइदोसरहियाण निम्ममत्ताण निरुवमगुणाणं । परपरिवायविमुक्काण असुहवावारहियाण ॥७५३॥ जं दव्वं ठवणं वा आहारो य सयणासणाईयं । उवओगयाए वच्चइ एयाण महाणुभावाए( ण) ॥७५४॥ धन्नाण साहुगहणुज्जयंमि सुविसुद्धवासणिल्लाण । संपज्जइ परिसुद्धं दाणं जोगं जइयणस्स ॥५५॥ धन्ना सम्मद्दिट्ठीविवेयजुत्ता सुवासणोवगया । जाणणुदिनं पहाए जाइ जाउ)वओगं जईण धणं ॥५६॥