Book Title: Jambuchariyam
Author(s): Jinvijay, Chandanbalashree
Publisher: Bhadrankar Prakashan
View full book text
________________
२५७
सोलसमो उद्देसओ
नक्खत्तेसु पसत्थे सिद्धिसिलायलगयंमि संथारे । मासं पाओवगओ कम्मविमुक्को गओ मोक्खं ॥७८६॥ [ ] खीरोयहिंमि य तहा पवाहियं भगवओ सुरवरेहिं । देहं उक्खिविऊणं पहरिसमणसेहिं सव्वेहिं ॥७८७॥ [ ] ताओ वि तस्स जायाओं सेससाहू य जणणि-जणओ य । देवेसु समुप्पन्ना सिज्झिस्संती विगयमोहा ॥७८८॥ [ ] भगवं पि य गणहारी पभवो परिपालिऊण जंबुपयं । मरिउं देवेसु गओ विगयमलो सिज्झिही सो वि" ॥७८९॥ [ ]
एत्थ य इमं समप्पइ चरियं सिरिजंबुणाममहरिसिणो । गुणपालणेक्कनिरयस्स भगवओ कित्तिमाहप्पं ॥७९०॥ [ ]
सहरिसपणयसुरीसरसुंदररिमिंदारगलियमयरंदं । मुहलभसलोलिगीयं पणमह जिणयंदपयकमलं ॥७९१॥ पुन्नं सिवं पसत्थं चरियं जो जंबुणाममहरिसिणो । निसुणइ पढइ य वायइ अन्नेसिं वा परिकहेइ ॥७९२॥ कम्मकलंकविमुक्को विसुद्धसन्नाणदंसणचरित्तो । सो पावइ मोक्खसुहं भवत्ताएणं विसुद्धप्पा ॥७९३।। छंदागमपरिहीणं विभत्तिलिंगत्थकयविवज्जासं । एत्थ मए जं रइयं तं तं कुसलेहिं सोहणियं ॥७९४।। एयं विरयंतेणं समज्जियं जं मए विपुलपुन्नं । भव्वा नेव्वाणसुहं तेण अविग्घेण पावितु ।।७९५॥
Jain Education International 2010_02
For Private & Personal Use Only
www.jainelibrary.org
Page Navigation
1 ... 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318