Jambuchariyam

Author(s): Jinvijay, Chandanbalashree
Publisher: Bhadrankar Prakashan

Page 293

२६०
जंबुचरियम् चारित्तधारीण सदसणुप्पत्तिसुन्नायसद्धस्स तत्ताण भव्वारविंदेक्कसंबोहसूराण संसाररुंदं समुदं जिणाणत्थ संतिन्नयाणं सुहेणं सया ।
तह य विमलमोक्खमग्गं गयाणं च सन्नाणजुत्ताण कम्मेण मुक्काण सिद्धाणणंताण आयारधारीणुवज्झा[य]याणं च सज्झायवंताण साहूण संसारमोहेण संचत्तयाणं तहा, विगयमव(य)कलंका होइऊणं सुराणं ब(?)तेयवंता सया देवलोएसु देवंगणासंघसब्भावसोक्खं चिरं पाविऊणुत्तमं ते पुणो सव्वकल्लाणजुत्तं सुहं मंगलं पाविरे ॥छ।।
इय मंगलमालियमुत्तमयं परमेट्ठिमहामुणिकित्तणयं । गुणपालण खंतिसमाहिरया पढिऊण सिवं अह जंति नरा ॥८१९॥ एयाइं मंगलाई पुरिसोत्तमथुइपहाणवयणाई ।
भवियाणं इंतु सया जिणभणियत्थं सुणताण ॥८२०॥ ॥ इइ महामुणिगुणपालविरइयं जंबुणामचरियं समत्तं ॥