Jambuchariyam

Author(s): Jinvijay, Chandanbalashree
Publisher: Bhadrankar Prakashan

Page 284

२५१
सोलसमो उद्देसओ
विगईसुं अटेव य समंतओ ता हवंति एएसु । पत्तेयमणाभोगा सहसाकारो नमोक्कारो ॥७३३॥ पोरिसिपच्चक्खंतो पच्चक्खइ इच्छिए य आहारे । तह उग्गयसूराओ अन्नत्थ इमं मम वयं ति ॥७३४॥ पोरिसिमाईसुं जे पच्चक्खाणेसु वन्नियागारा । तेहिं विसुद्धं गिण्हइ पच्चक्खाणं गुरुसयासे" ॥७३५॥ इण्हि सरीरसक्कारपोसहो सो वि होइ दुविहो उ । देसे सव्वे य तहा देसे अमुग त्ति न करेमो ॥७३६॥ पहाणुव्वट्टणवन्नगविलेवणाहरणगंधपुप्फाणं । तंबोलाईण तहा चागो सव्वंमि कायव्वो ॥७३७॥ तह बंभचेरमइओ देसे सव्वे य पोसहो भणिओ । देसे दिणाइओ खलु एगं दो तिन्नि वा वारो ॥७३८॥ सव्वे य अहोरत्तं बंभच्चेरं चरंति सुविसुद्धं । कुसलाणुट्ठाणं वा भन्नइ तं बंभचेरं तु ॥७३९॥ तक्करणेणं पोसेइ अप्पयं सोहणेण कम्मेण । ता बंभचेरमइओ उ] पोसहो होइ का[ ना? ]यव्वो ॥७४०॥ वावारा पुण रंधण-घरचिंतण-पयणसयडमाईया । तक्करणवारणपरो अव्वावारो इहं भणिओ ॥७४१॥ जे जीवघायणपरा परपीडयरा जुगंछिया पावा । परलोयंमि दुहयरा ते वावारा इहं असुहा ॥७४२॥ ताण निसेहणरूवो अव्वावारो त्ति सावसेहे हो) य । पडिसिज्झए य असुहं जं परभवदुहयरं होइ ॥७४३॥ न य पुण सोहणवावारकरणपडिसेहतप्परो सो हु । सोहणवावाराणं करणं जिणसासणंमि मयं ॥७४४॥