Book Title: Jambuchariyam
Author(s): Jinvijay, Chandanbalashree
Publisher: Bhadrankar Prakashan
View full book text
________________
२२६
पियकामिणीहिं सहिओ समागओ वइयरं इमं नाउं । जंबूदीवाहिवई अणाढिओ सुरवरो तुट्टो || ४३४|| सो य सहस त्ति भवणे अवइन्नो निययपरियणसमेओ । गीयंतकामिणीयणकलगीयविमाणमारुढो || ४३५॥ आयन्निऊण एवं कलघोसं जंबुनामकुमरेण । भणिओ विलासिणिजणो मज्जणघरसंठिएणेवं ॥४३६ ॥ किं एस अयंडे च्चिय अतक्किओ हंसकलरवो जाओ । परियाणिऊण भणियं चेडीहिं न एस हंसरवो ॥४३७॥ दिव्वजुवईण एसो नेउरउव्विलबाहुवलयाण । रसणाकिंकिणिघोसो दिव्वो भवणंगणगईण ॥४३८॥ एत्तियमेत्तुल्लावो संवुत्तो जाव सुरवरो दिट्ठो । ता दारवालसिट्ठो जंबुकुमारंतिए पत्तो ॥ ४३९॥ आणत्ताओ तेणं ताहे दिव्वाओ निययविलयाओ । निव्वत्तह सिग्घाओ मज्जणमहिमं कुमारस्स ॥ ४४० ॥ पभणियमेत्ताओ च्चिय हल्लप्फलनिययभूसणरवाओ । तुट्टंतहारअंगयमोत्तियपगलंतधाराओ ||४४१॥ समकालं सव्वाओ गंधोदय भरियरयणकलसाओ । कुमरस्सुवट्ठियाओ मंगलकलगीयसद्दाओ ||४४२॥
वज्जंतपवरवव्वीसवीणवरवंसमंगलरवेण । निव्वत्तिया जहिच्छं मज्जणमहिमा कुमारस्स ॥ ४४३ ॥ कयमज्जणस्स ताहे सयमेव अणाढिएण जक्खेण । रइओ सिरंमि मउडो कुमरस्स फुरंतमणिरयणो ||४४४ ॥ कन्नेसु कुंडलाई कंठे हारो ललंतदेवंगो । अंगयरयणे वट्टे रयणललियबाहुलइयासु ॥ ४४५॥
Jain Education International 2010_02
For Private & Personal Use Only
जंबुचरियम्
www.jainelibrary.org
Page Navigation
1 ... 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318