Book Title: Jambuchariyam
Author(s): Jinvijay, Chandanbalashree
Publisher: Bhadrankar Prakashan
View full book text
________________
२३५
सोलसमो उद्देसओ
आरूढस्स य एवं महापइन्नागिरिस्स मत्थंमि । मंदरगिरिगरुययरो पव्वज्जभरो समुक्खित्तो ॥५३९॥ आरोवियसामण्णो सव्वेहिं पणमिओ मुणिंदेहि । कोणियपमुहेहिं चिय पवंदिओ सव्वराईहिं ॥५४०॥ जणणि-जणएहिं सहिओ पभवपमुहपंचचोरसयकलिओ। जायासमण्णिओ सो उवविट्ठो गहियसामण्णो ॥५४१॥ सव्वंमि तओ लोए सुहासणत्थंमि भव्वकुमुयाणं । पडिबोहणेक्कससिणा भणियमिमं गणहरिदेण ॥५४२॥ "भो भो देवाणपिया ! संसारे दलहं मणुयजम्मं । तत्थ वि जिणवयणसुई सद्धा य जिणिंदवयणम्मि ॥५४३॥ दुलहो पुणो वि एसो संजमजोगंमि वीरिउच्छाहो ।
एयम्मि य संपत्ते पत्तं जं पावियव्वं ति ॥५४४॥ भणियं च- "चत्तारि परमंगाणि दुल्लहाणिह जंतुणो ।
माणुसत्तं सुई सद्धा संजमंमि य वीरियं" ॥५४५॥ [उत्तरा./अ.३ गा.१] जुगसमिलादिटुंतो माणुसजम्मोवमो जिणिदेहिं । दुलहत्ते पन्नत्तो भणियं च इमं जओ तेहिं ॥५४६॥ जह समिला पन्भट्ठा सागरसलिले अणोरपारंमि । पविसेज्जा जुगछिडं कह वि भमंति भमंतंमि ॥५४७॥ [ उ.नि.गा.१५९टी.] पुवंते होज्ज जुगं अवरते तस्स होइ समिला उ । जुगछिडुमि पवेसो इय संसइओ मणुयलंभो ॥५४८॥[उ.नि.गा.१५९टी.] अवि चंडवायवीईपणोल्लिया सा लभेज्ज जुगछिड्डे । न य माणुसाओ भट्ठो जीवो पडिमाणुसं लहइ ॥५४९॥ [ उ.नि.गा.१५९टी.] अइदुल्हं पि कह वि हु संपत्तं देसरूवकुलकलियं ।
मणुयत्तं धम्मसुई सुदुल्लहा होइ जिणवयणे ॥५५०॥ जओ- कुसुइकुमोहियचित्तो मिच्छत्तन्नाणमोहपडिबद्धो ।
जं जं जिणेहिं भणियं तं तं जीवो न सद्दहइ ॥५५१॥
Jain Education International 2010_02
For Private & Personal Use Only
www.jainelibrary.org
Page Navigation
1 ... 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318