Dhan Dhan Shasana Mandan Munivara

Author(s): Shilchandrasuri
Publisher: Nemi Vigyan Kastur Smarak Trust Ahmedabad

Page 6

(તીથ એહ જગ જ્યવત)
જૈન શાસન જયવંત છે. દેવાધિદેવ ભગવાન તીર્થંકર મહારાજે પ્રવર્તાવેલું વિશ્વહિતકર જિનશાસન આ જન્મમાં મને-આપણને મળ્યું તે આપણું પરમ સૌભાગ્ય છે.
આ શાસનને અઢી હજાર વર્ષોમાં થઈ ગયેલા અસંખ્ય મહાન મૃતધર શાસનપ્રભાવક ગુરુ ભગવંતતોએ અજવાળ્યું છે, અવિચ્છિન્ન રાખ્યું છે. જૈન શાસન અને સંઘ ઉપર આવેલાં અગણિત આક્રમણોની સામે પણ આ શાસન અને સંઘ આજ પર્યત અવિચલ-અડગ રહ્યાં છે, તેનું મુખ્ય કારણ આપણી યશોજ્વલ શ્રમણ પરંપરા જ છે.
- આ વંદનીય શ્રમણ-પરંપરાના પ્રતીક સમાન કેટલાક શાસન-ધોરી સંઘનાયક ભગવંતોનો અતિઅલ્પ શબ્દોવડે આછેરો પરિચય આપવાનો એક અદનો પ્રયાસ અહી થયો છે. સૂર્યને ફાનસ વડે જોવાના-દેખાડવાના પ્રયાસ સાથે આને સરખાવી શકાય.
આશરે આઠેક વર્ષ અગાઉ, એક અન્ય નિમિત્તવશ લખાઈ ગયેલા આ પરિચય-લેખો આજ પર્યત આમ જ પડી રહ્યા હતા. આ લેખોને આ લઘુ પુસ્તિકારૂપે પ્રકાશિત કરવાનો અહીં ઉપક્રમ છે. એમાં આપણા યશનામી ચિત્રકાર ભાઈ જયેન્દ્ર પંચોલીની પીછીનો સાથ મળતાં આ લેખો વધુ સાર્થક બને છે.
પૂજ્યપાદ ગુરુભગવંત શ્રીવિજયસૂર્યોદયસૂરીશ્વરજી મ.ની કૃપા અને મુનિશ્રી જિનસેનવિજયજી વગેરે સાથી સાધુવર્યોનો સહયોગ આ પુસ્તિકાના પ્રસ્તુત સ્વરૂપના ચાલકબળ
છે.
નન્દનવનતીર્થ, તગડી. તા. ૧-૧-૧૯૯૯
-વિજયશીલચંદ્રસૂરિ
Garante personalised